Itanagar, Jul 6: Arunachal Pradesh a·dokni Longding a·jao donggipa Khogla song samba jolo police dolrang, NSCN bobil dolni manderang baksa gogrike, bobil dolni mande saksako so·ote galna man·aha.
Longding a·jani Superintendent of Police (SP) Dekio Gumja-ni u·iatani gitade, NSCN bobil dol baksa gogrikani ja·man sipai dolrang, sianggipa mandeni manggisiko man·aha aro ia biaprangoniko sandiangkuon, kg 15 ong·gipa Improvised Explosive Device (IED), ge 34 detonator, .22 pistol ponggni, magazine ge·gni aro bobil dolni adita bosturangkoba man·aha.
Ia a·sel ong·ani somoio sipai dolrang, NSCN bobil dolni sak 7 ba sak 8 manderang dongnue dongenga ine koborko man·soenba, bobil dolni manderangko sandiengachim. Police-rangni re·baako niksoon, bobil dolni manderang police-rangko gosona a·bachengaha aro ja·mano police-rangba, bobil dolni manderangko gochakskaenba, saksako so·ote galna man·aha ine SP parakataha.
Police-rang baksa gogrikanio bobil dolni gipin manderangde ua biaponi kate jokna man·aha indiba police-rang da·o ia manderangko sandiengkua ineba SP aganaha.
Na·simang ia video-koba nina man·gen:
Na·simang iakoba poraina man·gen: HYC dol, Sohiong-o chu·onga gita lekka pancha gri kam ka·enggiparangko ta·raken biapko watangchina ge·etaniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
