Dibrugarh, Oct 19: Arunachal Pradesh a·doko, NSCN-K bobil dolni rim·srukanggipa mande sakgniko, Assam Rifles-ni Khonsa Battalion, ta·rakbee kamrangko ka·enba, Tirap a·jaoniko jokatpilna man·aha.
Official-rangni u·iatani gitade, Dadam circle-ni ning·o donggipa Lahu jolo, M/S Agarwal company-ni rama tarianio kam ka·enggipa mande sakgniko October-ni 18 tariko NSCN-K bobil dolni manderang rim·srukangaha ine koborko man·soani ja·man Assam Rifles-ni Khonsa Battalion, Longding-ni police-rang baksa Ngisa-Nokna aro Nginnu-Nokna ramarango, bobil dolni manderangko timsoenba chadrapaha aro rim·sruka man·gipa mande sakgniko jokatna man·aha.
Khonsa Battalion-ni sipairang, Sonibar walonin NSCN-K bobil dolni manderangko timsoaha aro Robibar pringni 5:50 bajimango, bobil dolni manderang, sipai dolrangko nikatenba gona a·bachengon sipai dolrangba uamangko gochakskae, ia mande sakgniko jokatna man·aha ine official-rang parakataha.
Na·simang iakoba nina man·gen:
Na·simang iakoba poraina man·gen: Chokpot jolo koela bikotaniko NGO-rang jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
