Tura, May 6: Garo Hills Autonomous District Council (GHADC) baksa OneLife Agricole Private Limited nangrimenba, Garo Hills a•jani pilak ge•e game cha•enggipa manderangko bil gnangbatatna miksongenba, ‘OneLife Farmers First’ program-ko a•bachengataha.
Indake, GHADC aro OneLife Agricole baksa nangrime, Farmer Producer Organizations (FPOs)-ko bimang ong•atna, ge•a gamani bosturangko sakki on•anio dakchakaniko on•a, ge•a gamanio ku•pattianiko on•a, Central processing unit-rangko a•bachengate on•a, a•salrangko suale on•a, aro tangka paisani gita dakchakaniko on•enggipa Agri Lending Institute aro ge•e game cha•enggipa manderang baksa nangrimatna dakchakaniko on•anggen.
OneLife Agricole Private Limited-ni Director, Sakshee Sharma, Garo Hills a•jani ning•o ge•e game cha•enggipa manderangna bil gnangbatatna, ia ‘OneLife Farmers First’ program-ni gita kam ka•anggen, aro ia chasongni ge•a gamani a•bao nangnikenggipa ostro, u•i ma•siani aro dakchakaniko on•a miksonge ia program-ko a•bachengatani ong•a ine aganaha.
GHADC Executive Committee-ni Secretary-ba, ge•e game cha•anio dingtanganiko ra•bana gita sorkari dolrang aro private enterprise-rang baksa nangrime kamko ka•engani gimin aganangaha.
OneLife Agricole Private Limited, ian rongtalgipa ge•a gamaniko dakani gimin ku•pattianiko on•gipa, ge•e game cha•enggipa manderangko bil gnangbatatna krenge kam ka•gipa, rongtalgipa ge•a gamaniko dakanio dakchakaniko on•gipa aro iandakgipa ja•kurangko de•anichi Agriculture sector-ko tang•doatanio dakchakgipa ong•a.
Na·simang ia video-koba nina man·gen:
Na·simang iakoba poraina man·gen: Shillong Polytechnic-o poraienggipa me•chik saksa so•ote sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
