Dibrugarh, June 25: Oil and Natural Gas Corporation (ONGC), Assam-ni RDS site-o selenggipa gas donchakaniko tariani mongsonggipa bakona sokaha. ONGC, dal·dalgipa bosturangko ra·doani bolgni garirangni dakchakanichi, gas donchakani ka·mabatgipa bakko naljoke ra·galna man·a gita a·kol pugipa machine-oniko bol 42 siltongrangko ra·galaha.
Da·o minggipin ja·ku de·anide uan Blowout Preventer (BOP) minggipa naljokatani ostro-ko ra·galenba, gas-ko champengna gita pangkamgipa pindapaniko on·anian ong·a aro iako dakmiting somoio adita gas-rang ong·katnaba donga indiba uan namgijagipa ong·ja baksana 500 metre-mangni chel·ao donggipa manderang iani a·sel maming dakeba nangchakeako man·jawa ineba ONGC u·iataha.
Ua biapko naljoke rakkina gita ONGC, selenggipa gas donchakaniko ka·sinatna aro gas-rangko champengna gita chi-rangko sataniko dakengkua. ONGC aro uamang baksa bakrime kam ka·enggipa CUDD, naljokanina on·gimin niamrangko ja·rikenba simsake kamrangko ka·enga.
Sepangjolo donggipa Dikhow chibima dal·rorobaani a·sel bosturangko ra·rurana neng·nikanirangko man·engani gimin, uamangni ka·enggipa kamrang dondikataniko man·jana gita dal·dalgipa chi saldoani bosturangko gital biaprangona apjitatenga ine ONGC u·iataha.
Ua jolo balwa rongtala rongtalgijaniko salanti nirokjringaniko dakani gisepon, da·o dipet maming namgija balwarang dongja ine nikna gita man·enga. Uno kam ka·giparang aro jolo songdonggipa manderangko nirok simsakna miksonganio sana banani aro dakchakani camp-rangkoba uno donataha ine ONGC janapataha.
Uno kam ka·enggipa aro sepangjolo donggipa manderangni naljokanina, samtangtango donggipa ong·telaigiparangko naljoke rakkiani aro pindapani kamrangko matchotatna uamang chu·gimik on·kange kamrangko ka·enga ine ONGC u·iataha.
Na·simang ia video-koba nina man·gen:
Na·simang iakoba poraina man·gen: Tura Christian College-o sea jotani bidingo agan-ku•pattiani program-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
