Tura, July 18: Bristibar walni bak-o Tura-ni adita jolrango u•ina man•gijagipa manderang garirango aro skul-nokrango ro•ongrangko gotate bang•a nosto ong•anirangko ra•baaha.
Dingtang dingtang gittimrang jekai Upper Chandmari, Chitoktak, Bonepa, RC Road, Wadanang aro St. Xaver’s school sepangrangoniko gimik-gimang bolsni garirang nosto ong•aha.
Skul nok gitalni keklki be•ako aro klasroom ning•ao ro•ong dotsako skulo kam ka•gipa saksa Sukrobar pringo nikeaha ine koborrangko man•aha.
Skulo CCTV camera-rang donggenchimoba, ua somoio uarangko jakkaljaha. Ia a•sel ong•ani ja•mano, skulko chalaigiparang CCTV camera-rangko konta 24-na chalaina tik ka•aha.
CCTV camera-rango il•leng siksakanirangko nikaha indiba doa dakgiparangko rim•a man•a neng•nikenga. U•ina neng•nikatna gita, dos dakgiparang bijoli teng•brapgipa scooctyrangko jakkalaha ine police-rang chanchichipenga.
West Garo Hills-ni Superintendent of Police Abraham T. Sangma ia obostarangko parakataha aro da•o CCTV-rangko nipilaniko dakenga.
Walo nitime donganirangko bang•bate dakenga aro iarangko dakna police dolrangko bang•bate dnaha ineba SP u•iataha.
Ia obostarangni bidingo Chandmari Police Station-o dolgittam manderang badi ka•anirangko dakangaha, indiba skulonide badi ka•anirang dongkuja.
Uandake, obosta ong•gipa biaprang pekgipa bosturangko jakkalgiparangni jolrangni noksik ge•gittamni gisepo ong•a ine adita songdonggiparang aganaha. Iana sakkirangko namedake man•kujaomangba, ia nosto ka•anirang pekgipa bosturangko jakkalani a•selan ong•a ine potchipenga.
Police dolrang sandianirangko dakroroangon gitalgipa koborrangko parakatanggen.
Na·simang iakoba nina man·gen:
Na·simang iakoba poraina man·gen: Mikka bitchi komie man·gipa biaprangna tangka paisani gita dakchakgen ine Assam Cabinet paraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
