Shillong, July 18: Chang 29-gipa North Eastern Regional Power Committee (NERPC) tom·bimonganiko Guwahati-o ong·atangaha. Ia tom·anio salgro salaram jolni dingtang dingtang a·dokrangni Power Minister-rang aro a·gipbi official-rang aro Central Power Agency-rang chong·motan CEA, PGCIL, NTPC, NEEPCO aro Grid India-ni dilgiparangba dongpae bak ra·angaha.
Ia tom·bimonganio, Sikkim a·dokkoba NERPC-o chapatchina Meghalaya Power Minister A. T. Mondal mol·molangaha.
Iana agreba North Eastern Region (NER) jolrangko namdapatna aro silroroatna gita ra·bagipa mongsong proposal-rangni bidingoba ia tom·bimonganio chanchirimangaha.
Ia mongsonggipa proposal-rangoni Sikkim a·dokko NERPC-o chapdimanian mingsa ong·a.
Sikkim a·dokko chapdimgenchimode uamangna on·gipa power project-rangchiba salgro salaram jolrangni namroro silroroanina namgniko man·gen ine Mondal aganaha.
Indake minggipinara, North Eastern Region Power System Improvement Project (NERPSIP) gita apsan dakgipa scheme-rangko on·e tangka paisani gita dakchakaniko on·china Central Electricity Authority (CEA)-ko Mondal mol·molaha. Indake CEA-ba ia proposal-ko ra·chakaha aro a·dokni Detailed Project Reports (DPRs)-ko on·china janapataha.
Iarangna agreba, Power System Development Fund (PSDF) baksa chapdimenggipa State Load Dispatch Centres (SLDCs)-ni Ministry of Power’s Policy-ni bidingoba chanchirimangaha. Indake ong·genchimoba SLDCs-ko Meghalaya-o chaprimaniko nangnikjani gimin iako chaprimaniko Minister ra·chakjaha.
Indake Meghalaya a·dok aro uandake gipin a·dokrango chu·onga gita bijoliko on·a man·a gita National Load Dispatch Centre (NLDC)-ni man·gnirangko dingtangmancha a·kange on·chinaba Minister janapdapataha. Iani bidingo Ministry of Power aro Central Electricity Regulatory Commission (CERC)-na janpangna gita NERPC ku·rachakangaha.
Na·simang iakoba nina man·gen:
Na·simang iakoba poraina man·gen: Ong•gija dakgipa manderang Tura-o ro•ongrangko gotate, garirang aro skul-nokrango nosto ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
