Shillong, May 26: Parliament of Canada-ni May 25 oni 29 tarikona Cannda-ni Ottaw biap-o ong•atenggipa chang 16 gipa Canadian Parliamentary Seminar-o, Meghalaya a•dok Legislative Assembly-ni Speaker, Thomas A. Sangma-ba bak ra•angenga.
Ia bilsini seminar-ko katta bichong “Parliaments in the 21st Century: Innovation and Adaptation for Democracy,”-o pangchake ong•atenga. Iano parliament-ni dilgiparang aro official-rang , sorkarinigita chagrongenggipa dingtang dingtang neng•nikanirang, ia chasongna niamrangko tarianirangko namdapatna aro bilakbatatna chanchirimanganiko dakangen.
Ia seminar-o chasongni kri parliament-ni kam ka•anirangko dingtangatna aro maikai democracy-o namdapatanirangko ra•bana cholragni gimin chanchirimangen. Unbkasana Canadian parliamentary-ni dakbewalrang, Commonwealth Parliamentary Association-rangni dakna nangni kamrang aro chadamberangko sorkarini kam rango bak ra•atna, politics-o me•chik dolrangko dilgiparang ong•atna didianirangko on•na, parliamentary-ni building aro technology-rangko namdapatna chanchiangan baksana sorkariko manderangni sing•anirangna aganchakna man•na cholrangni gimin , media, social media-rangko jakkalna, electronic voting system-rangko dakna , hybrid Parliamentary meeting-rangko online ba mikkang nikgrike ka•na aro uadakgipa dingtang dingtang a•bao namdapaniko ra•bana chanchirimanaganiko dakanggen.
Ia seminar-o Thomas A. Sangma baksana Meghalaya Legislative Assembly-ni Secretary Malthus S. Sangma aro Deputy Secretary Raja K. Kharpuri-ba bak ra•angpaaha.
Meghalaya Legislative Assembly-ni dilgiparang uano bak ra•angenba, Parliament aro democratic governance-o namdapaniko ra•bana skie ra•an baksana Meghalaya a•dokni Assembly-ko name chalainaba skie ra•bagen ine ka•dongsoenga.
Na·simang iakoba nina man·gen:
Na·simang iakoba poraina man·gen: VPP-ni dilgiparang man•e cha•giparang ong•eba manderangoniko gilamenga ine HNLC matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
