Guwahati, May 26: Assam-ni mingsinggipa git ring∙gipa Zubeen Garg-ni sianio matnangako man∙gipa saksni manderangni kosako Guwahati-ni Fast Track Court Mongolbar salo badi ka∙aha, aro June 8 tarikoni kachario mikkangpa∙anirangko a∙bachengatanggen.
Dingtang dingtang dos dakanirang jekai togiani, so∙otani, ra∙seke ra∙ani, a∙sel ong∙ani chinrangko kimite galani aro uandakgiparangni ning∙ao chargesheet-o bimung mingako man∙gipa pilak manderangni kosako Judge Sharmila Bhuyan-ni kachari badi ka∙angaha.
Bongagipa matnangako man∙gipa Sandeepan Garg-ni kosako so∙otna miksongani gri Zubeen sagiko saknaate siaona sokataninaba matnanganiko dakaha ine Special Public Prosecutor aro Gauhati High Court-ni Advocate Ziaul Kamar kobor ra∙timgiparangna parakataha.
Uandake, da∙o changgipino kachario mikkangpa∙aniko June 8 tariko dakanggen aro matnangako man∙giparang Guwahati High Court-ona re∙ange kachario mikkangpa∙anirangko dontongatna hukumko man∙ja dipet salantian bichal ka∙anirangko dakanggen ine ua aganaha.
Zubeen Garg-ni sianichi Assam gimikko jingjengate kakket bichalko dabianio ian mongsonggipa ja∙ku de∙ani ong∙aha.
Matnangako man∙gipa manderangni kosako badi ka∙anirangchi sianggipa git ring∙gipana aro uni nokdangna kakket bichalko ra∙bana ka∙dongataniko on∙aha ine Zubeen Garg sagini melibegipa ripeng Partha Pratim Goswami aganaha.
Indake ong∙engon, Zubeen sagini jikgipa Garima Garg-ba kacharini hukumko namnike ra∙chakaha. “Chinga kacharioniko kakket bichalko man∙gen ine ka∙dongsoa aro uamang da∙o chingni nangnikaniko on∙enga. Isolni dakchakani gnanggipa manderang kakket bichalko man∙telaia. Kachari ia obostako mikkang nitegija jako ra∙e kam ka∙enga aro kakket bichalko ra∙bana man∙gen ine chinga ka∙donga,” ine ua aganaha.
Na·simang iakoba nina man·gen:
Na·simang iakoba poraina man·gen: Ottawa-o ong•atenggipa chang 16-gipa, Canadian Parliamentary Seminar-o Meghalaya Assembly-ni Speaker bak ra•angenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
