Shillong, July 29: Palbadinggiparangko MUDA parking lot-ona apjitatani ja•mano, Shillong-ni bijangchio donggipa bading-chiwalanio damsa mongsonggipa biap Khyndailad-ko manderangna ja•achi re•ani rama dakna ine a•dok sorkari ja•ku de•enga.
Deputy chief minister in-charge Urban Affairs Sniawbhalang Dhar baksa Mongolbar salo tom•e chanchirimanirangko dakani ja•mano Tourism Minister Paul Lyngdoh ia koborko parakataha.
“Ia biapo manderangna ja•achi re•ani rama dake da•on oprakatgen aro pring 7 bajioni wal 9 bajiona, (Khyndailad-ko napchengaoni Umsohsun-ona) dingtangmancha hukumko man•gimin garirang mongsongbate skul bi•sarangko salgiparangna agrede, ia biapo garirangko ra•napna man•jawa. Indiba chuttini salrango, wa•al kimitgipa aro sagiparangko salgipa garirangna agrede darangba ia ramao garirangko salna man•jawa,” ine ua kobor ra•timgiparangna parakataha.
Uandake, Shillong Municipal Board ru•utgija salrangni gisepon, rama watgipa somoirango garirangko salangna ua jolo donggipa manderangko gari watani lekkarangko on•gen.
“Iani bidingo, ua jolo donggipa manderangna gari watani lekkarangko tarina gita, uamangni bimungrang aro garirangko sandie see rakkichina SMB-na pakwataha. Ian Khyndailad-ni a•palo donge Khyndailad-o bading-chiwalanirangko dakgiparangnade ong•jawa,” ine Lyngdoh janapaha.
Shillong-ni dal•batgipa bading-chiwalgipa biapo palbadinggiparangna biap tikata baksana sorokrangsamrango manderangna rama re•na Meghalaya High Court-ni ja•ku de•anirangko namen chu•ongnika ineba minser aganaha.
“A•songni gipin biaprango palbadinggiparangko apjitaton, uamangna biapkpsan tikataia. Indiba Shillong-ode, chingq uamangna dingtang dingtang cholrang jekai bijolirangkoba on•aha,” ine ua agandapaha.
Una agreba, ringani chirang arp MUDA complex-ni kokkimao te-15 paikanarangko rikna sorkari kamrangkoba tikataha baksana Deputy Chief Minister aro Lyngdoh an•tangba gong 10,000 tangkarangko palbadinggiparang sakpraknan August 5 tariko sualatgen ine ua aganangkuaha.
Khyndailad ramani bidingo sing•on, ua rama jolgimikko taridapna aro rimchaksoani chinrang, tile-rangko aro nitodapatanirangko tarina sorkari chanchianirangko dakenga ine Lyngdoh aganchakaha.
Shillong-ko India-ni Music Capital dakna, ia biapko doka-dam•anirangko ong•atna jakkalna miksongenga.
Iarang pilak baksanaba tourist-ranna dakchakna, a•sel ong•anirangko champengna, rongtal-an•talanirangko rakkina sorkari ja•kurangko de•na am•enga ineba Lyngdoh aganaha.
“Khyndailad-an a•doko changketbatgipa biap ong•ani gimin chinga una kam ka•chengna nangaha. Apsandaken chinga ia chu•sokanirangko Laitumkhrah aro Civil Hospital point aro apchangketgipa biaprangoba apsandaken tarianirangko dakna miksongenga,” ine Lyngdoh aganangkuaha.
Na·simang iakoba nina man·gen:
Na·simang iakoba poraina man·gen: NGH-o Sampoornata Abhiyan Samman Samaroh-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
