Shillong, Sep 22: North-Eastern Hill University (NEHU), Tura Campus-ni Post Graduate Students’ Union (PGSU), University-o chagrongenggipa neng·nikanirangko nirokatchina Governor Chandrashekhar H Vijayashankar-ko mol·molataha.
Indake ru·uta bilsirangna man·enggipa Campus-ni pilak neng·nikanirangko janapgimin memorandum-ko uamang Governor-na on·angaha.
University-ni ge·bonga Department-rango classroom-rang chu·ongjani a·selo chatro chatrirang aro skigiparang, class-rangko bodolgrike ra·na nangenga aro ringani chi, hostel, loboratory aro salruraenggipa garirang chu·onga gita dongja jeni a·selan chatro chatrirang neng·nikaniko man·enga ine Union janapataha.
Uasan ong·aigija, tangka paisani gita ba chu·ongjani a·sel, faculty memberrangko rakkianio, promotion on·anio aro gipin administrative kamrangko ka·anio dondikatako man·enga ine janapan baksa, chatro chatrirangba scholarship ba tangka paisani gita sorkarini dakchakaniko komie man·enga ineba uamang janapataha.
Master of Social Work (MSW) Department de administrative-ni dakchakaniko man·a grian chalaibaengaha ine janapatengon iandake tangka paisarangni gita neng·nikaniko man·genchimode Campus-ni miksongani aro gunko gimaatna kenchakani donga ine talatan baksa ia pilakkon nirokechina PGSU-ni dilgiparang Governor-ko mol·molataha.
Indake ia pilakkon Governor-ni nirokeanichi NEHU Tura Campus-ko namdapaniko nikna ka·dongsoenga ineba PGSU janapataha.
Na·simang iakoba nina man·gen:
Na·simang iakoba poraina man·gen: ANTF, heroin baksa sakgni manderangko WGH-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
