Tura, Feb 24: NEHU Tura Campus-ni Post Graduate Students’ Union (PGSU) Mongolbar salo faculty member-rang, postgraduate chatro-chatrirang aro gital seokako man·gipa dilgiparangni mikkango, Students’ Welfare-ni Assistant Dean, union-ni kamrangko pakwate on·angaha.
Union-ni gitcham Vice-President, Chakram Do·po Sangma,Bilsi 2022-o union dongtongatako man·aha aro unonin chatro chatrirang dolgri ong·e dongenba mamung namgnirangko manjaha ine Union-ni itihasko gisik ra·atpilaha.
Chatro-chatrirangni gisepo ku·mongrimanichi, chakchikanichi, aro dontonggija jotton ka·anichi Union-ko ong·atpilna man·aha, aro re·anggipa bilsio a·bachengataniko dakchengenba, uamangna ka·dongani aro tangchaatpilaniko nikna on·aha ine ua aganangaha.
Bilsi bri-ni ja·mano, Students’ Union, NEHUSU 2001 Resolution aro Constitution-ni gita chu·gimik bimang ong·pilaha.
Ian PGSU-ni Constitution aro Union-ni dabianirangko nina ine bikotgimin Executive Council-ni serikgimin Minutes of the Meeting (Vide EC:72-4/Conf/71-779 dated 26/07/1991) baksa apsan ong·a.
Uandake, gitcham Vice-President Union-ni office aro lekkarangko gital seokako man·gipa dilgiparangni jako pakwate on·angaha aro uamangna an·tangni nama skaniko on·angenba, “Chatro-chatrirangni dilaniara university-o uamangni pal kam ka·ani, uamangni bilrangko chel·chakani aro uamangni dakna man·gnirangko name u·iatanio nangchongmotgipa ong·a” ine aganangaha.
PGSU-na seokako man·gipa gital dilgiparangara: Vice-President – Joyshelman D. Sangma (4th Semester, Horticulture)Secretary – Balpang K. Sangma (4th Semester, MBA), Assistant Secretary – Andy Tengsram D. Sangma (2nd Semester, Horticulture), Finance Secretary – Lenysa M. Marak (4th Semester, MBA)Games and Sports Secretary – Jumesha M. Marak (4th Semester, MBA)Publicity Secretary – Anname Shalisha A. Sangma (2nd Semester, Forestry) Socio-Cultural Secretary – Ms. Roda Onchiba N. Sangma (4th Semester, Horticulture)Academic Secretary – Ms. Mitchira Ch. Marak (4th Semester, English)Editor Abihail Mingku N. Marak (2nd Semester, English).
Gital seokako man·gipa Vice-President jinmana parake aganatengon, ua aro uni ka·rimskarang chatro-chatrorangni aro NEHU Tura Campus-ni namgnina gisik nange kamrangko ka·anggen ine ku·chake on·angaha.
Mingsa gisik ra·beaniara, February 23, 2026-ara NEHU Tura Campus-ko a·bachengataoni bilsi 30 ong·ani salba ong·a.
Ia salko maniengon, campus-o bang·a neng·nikanirang donga jekai nanganirang, manderang, skigiparang, chatro-chatrirangni cholrang aro gipinrangni chu·onggijanirangba gnang ine parakataha.
Ia neng·nikanirangko namatna ine gital seokako man·gipa dilgiparang ja·ku de·na an·tangtangko on·kange ra·angaha.
NEHU Tura campus-o chatro-chatrirangni namgnina aro silroro-namroroanio dingtanganiko ra·bana ka·dongani aro krenganiko mesokanichi ia tom·ani matchotangaha.
Na·simang iakoba nina man·gen:
Na·simang iakoba poraina man·gen: Shillong Airport-ko apalbatatna a·arangko rongtalatmanaha : Dhar
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
