Shillong, Feb 24: Meghalaya a·dok sorkari, dal·dalgipa sildorengrangko bilonchakatna, Shillong Airport-ko apalbatatna a·a brena nanggipako matchotatan baksana defence-oniko ra·chakanikoba man·soaha. Deputy Chief Minister and Transport Minister Sniawbhalang Dhar, Umroi Airport-o da·o chonchongipa ATR-72 aircraft-rangkosan bilchakatna ba bilonchakatna man·kuaienga maina ia runway-ni bakroaniara 1,829 metre mangsan ong·aia ine ua Assembly-o aganchakaniko on·nangaha. A·dok sorkari, Airport Authority of India (AAI) baksa, ia runway-ko 2,400 mang metre bakrodapatana miksongenga jedakode dal·batgipa aircraft-rang bilonchakna aro bilchakna man·gen ineba ua agandapangkuaha.
Ia project-na 11.75 acre private a·arang baksana Defence Ministery-oniko 10.3 acre a·arangko nangengon, Ri-Bhoi a·jani Deputy Commissioner, kror 72.17 tangkarangko koros ka·e re·anggipa 2026 bilsini January 28 tariko private a·a breani kamrangko matchotatenba da·o, a·arangko Airport Authority of India (AAI)-na pakwataniko dakangskaenga.
Defence-ni a·anade, 2025 bilsini April jaon Ministry of Defence rikna bilko on·manahachim, indiba uamangna a·ani palo a·arangko on·pilskana gita nangskagen.
A·dok sorkari, Umroi Madan songo 7.7255 acre mang a·arangko nimanaha jeni daman kror 23.55 mang ong·gen. Re·baenggipa 2026 bilsini March jao a·ani bidingo Defence Ministery baksa soi ka·grikaniko dakna ka·dongsoenga. Ia Airport-ko apalbatatna nangchongmota maina ian tourism-ko bariatna dakchakan baksana Meghalaya a·dokona koros on·agiparangko bang·bate ra·banaba dakchakaniko on·gen ineba Dhar aganangaha.
Na·simang iakoba nina man·gen:
Na·simang iakoba poraina man·gen: Licence gnanggipa silai-rangko GHADC Election-na skang sorkarina pakwatchina: SWGH Admin
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
