Tura, Mar 16: West Garo Hills a•jani Public Health Engineering Department (PHED), World Water Day, 2024 manianiko gisik ra•ani gita, chiko ripinge rakkina nangani gimin u•iataniko on•a miksonge, “Water For Peace” ine pangchakani katta bichongko donenba 10 km Marathon Run-ko, New Tura-ni Matchakolgre LP School kal•chakram biapo ong•atangaha.
Ia katsusaaniko, pringni 5 bajioni registration-ko a•bachengate, pringni 6 bajioni New Tura-ni Matchakolgre LP School-oni a•bachengatenba, Bokmagre rama gita katange Ballongre kal•chakram biapo matchotataha.
Indake, West Garo Hills a•jani Asst. Commissioner, Aditya Verma, IAS, bakko ra•enggipa sakantikon uamangni nambatsranggipako on•enba gipin katsusaenggipa dolrangni naljokani gimin gisiko chanchie katpachina didiatan baksa nisanko ra•onate a•bachengataha.
Ia Marathon-o, sak 700-na baten me•a aro me•chikrang bak ra•angaha.
Ia katsusaanio chegiparangna, gong 7000, 2gipana gong 5000 aro 3gipana gong 3000-ko on•aba tik ka•aha.
Me•asa dolrangoni chegiparangara, 1st gipa biapo, Nirest R Marak, 2nd gipa biapo, Bethnar A Sangma aro 3rd gipa biapo Kenan M Sangma chegipa ong•aha.
Me•chik dolrangoni chegiparangara, 1st gipa biapo, Dimchi Ch Marak, 2nd gipa biapo, Ringse Chimik Sangma aro 3rd gipa biapo, Lailisphina M Sangma chegipa ong•skaaha.
Indake, dingtangmancha a•gipibatgiparangoni, Topan M Sangma-na aro dambebatgipaoni, Steverayal R Marak, Junesbirth Ch Marak aro Derrick Ch Marak mangnaba gong 1000 prak boksisrangko on•angaha.
Na·simang ia video- koba nina man·gen:
Na·simang iakoba poraina man·gen:Meghalaya a•doko CAA-ni chapter bon•aha: BJP
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
