Shillong, Apr 13: Garo Hills-o so•sojengjeng ong•anina baditaba salrang kate dongani ja•man Phulbari-ni gitcham MLA SG Esmatur Mominin, Sombar salo, Nongpoh-ni police-rangna an•tangko bame on•eaha.
Re•anggipa jao Garo Hills Autonomous District Council (GHADC) election-na skang Garo Hills-o so•sojengjeng ong•aonin Mominin, police-rangoni kate dongengachim indiba ua Sombar salo, Nongpoh-ni police-rangona re•ange, an•tangko bame on•eaha.
Garo Hills-o so•sojengjeng ong•aniara, re•anggipa March jani 9 tariko, Mominin-ni GHADC election-na nomination file ka•na Tura-ni Deputy Commissioner (DC) office-ona re•angaonin a•bachengahachim.
GHADC election-o Tribal ong•gijagipa manderangni bak ra•paaniko dingtang dingtang dolrangni jegalaniko manigija ua nomination file ka•drana re•angahani gimin ua somoio manderang ka•a ding•chaoe, uko jinma chadrapaha aro apsan salni attamon ua Phulbari-ona re•angpile, ding•chaoatani kattarangko aganani ja•man Chibinang jolrango aro Tura-oba so•sojengjeng ong•na a•bachengaha.
Iandake Garo Hills-ni dingtang dingtang biaprango so•sojengjeng ong•ahani gimin April-ni 10 tariko ong•atna tik ka•gipa GHADC election-ko sorkari, dontongatchengna nangaha.
Police-rangni u•iatani gitade, Garo Hills-o so•sojengjeng ong•chakataonin Phulbari-ni gitcham MLA Mominin, police-rangoni kate chakna a•bachengaha.
Indake ong•engon, Mominin da•o an•tangko bame on•eahani gimin uni kosako mai ja•kurangko de•gen, iani bidingo koborna sengkuenga.
Na·simang iakoba nina man·gen:
Na·simang iakoba poraina man·gen: Imphal-o gama ge•ani bidingo Int’l Conference-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
