Shillong, Mar 10: Garo Hills Autonomous District Council (GHADC) election-o Scheduled Tribe (ST) certificate donggijagipa manderangde susana man•jawa ine niamko parakatani ja•manba Phulbari-ni gitcham MLA Esmatur Mominin, manigija nomination file ka•drana jotton ka•ahani a•sel Garo Hills-o so•sojengjeng ong•aniko nikna man•enga ine Mongolbar salo FKJGP parakatenba, ia gitcham MLA-ni kosako ain gita rakgipa ja•kurangko de•china Meghalaya sorkariko didiataha.
Iani bidingo kobor ra•timgiparangna talataniko on•angengon, West Garo Hills a•jani Chibinang-o donggipa GSU office-ko so•chipe galanina FKJGP-ni president Dundee C Khongsit jegalatenba, ian Mominin-ni nomination file ka•drana jotton ka•ani a•selsa ong•aha ine matnangataha.
District council election-rango Tribal ong•gijagipa candidate-rangko susana on•aniara Sixth Schedule-ni ning•o on•gimin niam aro bilrangko pe•ani ong•enga aro mikkangchi iana bateba manderangni gisepo ding•chaonirang ong•katani cholrang donga ineba mikrakataniko on•angaha.
Adita salrangna skang Garo Hills-o ISIS bobil dolni bimingo ka•mikkenataniko on•ahani giminba ua janapataha aro ian namen kenbegnigipa ka•mikkenatani ong•a ine parakataha.
Khasi-Jaintia aro Garo Hills-o pilak Tribal-rangkon, party-ni gimin chanchigija, Tribal-rangni namgnina ku•cholsan ong•e kam ka•china gitaba FKJGP didiataha.
Na·simang iakoba nina man·gen:
Na·simang iakoba poraina man·gen: Assam-o Arunodoi Scheme-ni gong 9000 tangkarangko lak 40 manderangna sualata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
