Shillong, Apr 22: Bangladesh a•song baksa nangchapgipa simarango PMGSY-III ramarangko tarina gita No Objection Certificate (NOC)-rangko on•china Budbar salo, Meghalaya a•dokni Deputy Chief Minister aro PWD Minister Prestone Tynsong, Central Public Works Department (CPWD) aro Border Security Force (BSF)-ko didiataha.
Budbar salo, BSF aro CPWD-ni official-rang baksa tom•e chanchirimangani ja•man, kobor ra•timgipa manderangna talate on•angengon, border ramarangoni dilsade Ranikor jolo ong•a aro ian CPWD aro BSF-ni ning•o ong•ani gimin uamangni NOC-rangko nangkuenga ine Tynsong aganaha.
Garo Hills-o mitam ramarangde border fencing kagipani a•palosa ong•ani gimin ramarangko tarianio neng•nikanirangko man•na nangenga ineba Minister aganaha.
Iandakgipa neng•nikanirangko uamang tom•anio nipilangaha aro kamrangko ta•raken a•bachengna man•na gita NOC-rangko on•china CPWD aro BSF dolgninan ge•etaniko on•ataha ineba Tynsong aganaha.
Iani bidingo CPWD aro BSF-ba chubata gadangrangona ra•angchengna tik ka•angaha aro uni ja•man uamang NOC-ko on•na ku•rachakangaha ine Deputy Chief Minister parakataha.
Na·simang iakoba nina man·gen:
Na·simang iakoba poraina man·gen: Koela bikotaniko dontongatanichi manderangni neng·nikanirangko namatchina sorkariko chol on·china Santa Mary didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
