Shillong, Apr 22: East Jaintia Hills-o koela cho·e bading-chiwalanirangko dontongatanichi 2014 bilsirango gita janggi tangani cholrang dongjae hajalni hajal nokdangrang neng·nikanirangko man·enga ine Sutnga-Saipung-ni NPP MLA Santa Mary Shylla Mongolbar salo parakatenba, scientific mining-ko dakna niamrangko tarichina ine a·dok aro ma·mong sorkariko didiangaha.
Uandake, April 7 tariko tom·bimonganiko dakani ja·mano, East Jaintia Hills-o songdonggiparang a·dokni skotong minister aro Deputy Chief Minister-rangna memorandum-ko on·atenba, a·kolrangko dal·dale cho·e koela bikotanirangko dakaniara agre koros ong·a aro ua jolo iako dakna melija ine janapangaha ine Shylla aganangaha.
“Chinga ru·uta bilsirangnan a·kolrangko chonchone cho·e uarango nape koelarangko bikotanirangko dakahani gimin manderang ukon dakna nangnikenga…chingna nambatgipa cholko nang, jean koros komia aro ta·raka,” ine ua talatangaha.
Challan aro auction-rangko ka·atanichi koela bikotanirangko dakna on·genchimoba obostarang namrorojaha ine Shylla aganangaha.
Uandake, 2014 bilsionin manderangni janggi tanganio bang·a neng·nikanirangko man·enga, indiba obostarang da·o namjabatenga, maina sorkari niamko ja·rikani gimin koela bikotanirangko chu·gimik dontongatenga ine ua aganangkuaha.
2018 bilsioni dipetan sorkari scientific bewalo koelako bikotna cholrangko ra·bana krengenga aro kamrangko a·bachengatna man·aha, indiba korosrangko bang·e nangani gimin neng·nikanirangko man·enga ineba Shylla janapangaha.
Uni gimin, manderang niamko ja·rike kamrangko ka·angna man·na gita scientific bewalo koelako bikotani gipin cholrangko on·skachina Shulla a·dok aro ma·mong sorkariko mol·molangaha.
Also read: Tripura-o kg 33 ong•gipa ganjarangko man•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
