28.8 C
Tura
spot_img

Power Minister Pa James, Manipur-ni BJP candidate-ko matnanga

Must read

Imphal, Oct 29: Re⋅baenggipa Manipur By-election-na Wangoi constituency-ni party candidate Loken Singh-na campaign-ko ka·angao politics-o man·gnina mikboke seokako man·ani ja·man MLA ong·aoni wate katgipa dilgiparangko NPP ni dilgipa aro Meghalaya a⋅dokni Power Minister Pa James K Sangma matnange aganaha.

Seokako man·gipa Congress MLA-ni BJP dolo napna kam watani ja·man Wangoi constituency-o mikkang November 7 tariko by-poll-ko ong·atna nangao ga·akenga.

“A·doko by-election-ko ong·atna gita tangka gong kror 1-mangko sorkari eleksinni kamrango jakkalna gita nanga, jeni a·selan tangka-paisani bal-bojako a·dokna gatjeta gita chacha ong·a,” ine Pa Sangma aganaha.

Je tangka-paisarangkon by-election-ko ong·atna koros galna nangachim ua tangkarangchin maiba namgniko on·na aro silroro-namroroaniko ra·bana jakkalskana man·genchim. “Manderangni namgnina rama-jal·angrang, skulrang, aro minggipin nangarangko ra·bana jakkalna man·gnigipa tangkarangko ia by-election-o sorkari indin korosrangko galna gita nangskaienga, ian simsakgijagipa dilgiparangni a·sel ong·a,” ine ua aganaha

spot_img

More articles

spot_img
-->

Latest article