Guwahati, Jan 12: A•songni Prime Minister Narendra Modi-ni Punjab a•dokona re•angani somoio Punjab a•dokni Chief Minister Charanjit Singh Channi, uko so•ota jotton ka•ahachim ine Budbar salo, Assam a•dokni Chief Minister Himanta Biswa Sarma matnangataha.
Addressing a press conference at Janata Bhawan, Dispur. https://t.co/ROFBywpTQM
— Himanta Biswa Sarma (@himantabiswa) January 12, 2022
Iani bidingo kobor ra•timgiparangna parakatengon, “Punjab a•doko a•songni Prime Minister Narendra Modi-ko so•ote galna chalakki dakachim aro ia kamo Punjab a•dokni Chief Minister Charanjit Singh Channi-an jak dongani gimin uko rim•china anga dabienga,” ine Assam-ni Chief Minister Sarma parakataha.
Sarma-ni aganani gitade, Prime Minister-ni Punjab-ona re•angani somoio uko chel•chakna gita maming kamrangko ka•sojahachim aro ia pilakan PM Modi-ko so•otgalna chalakki dakanisan ong•aiachim.
Punjab a•doko Prime Minister-na maming chel•chakanirangko on•jani ja•man mitam Congress dilgiparangni social media-rango kragijagipa kattarangko seatahani giminba Sarma, suk ong•gijaniko parakataha.
Ia a•selni bidingo jakgitele am•sandianirangko dakatchina gitaba Assam-ni Chief Minister dabiangaha.
Re•anggipa January-ni 5 tariko Prime Minister Narendra Modi-ni Punjab a•dokona re•angani somoio maming chel•chakanirangko daksojahani a•sel Prime Minister baksa re•anggipa dol, Punjab a•dokni Ferozepur samba jolo donggipa flyover-o minute 20-mangna kingking jachange dongna gita nangahachim.
