Shillong, July 2: Indore-oni badinggipa Raja Raghuvanshi-ko Sohra-o so·otani bidingo sakkirangko kimite galanina Shillong-ni kachari sakgittam manderangko pattoko dona hukumko on·aha.
Shilome James, Lokendra Singh Tomar, aro Balbir Ahirwar-ko policerangni jako sal-6na dona matchotahani ja·mano, chief judicial magistrate-ni kachario mikkang pa·aton, investigating officer (IO) uamangko sal-14na pattoko donchina bi·aha, uandake Shilome James-ko sal-14na aro Lokendra Singh Tomar aro Balbir Ahirwar-ko sal7na pattoko dona hukumko on·aha ine assistant public prosecutor Tushar Chanda kobor ra·timgiparangna parakataha.
Shilome James-ara dalalni kamko ka·gipa ong·a jean Raja Raghuvanshi-ko so·otanio mongsonggipa matnangko man·giparangoni saksa, Vishal Singh Chauhan-na nok parako tik ka·e on·aha. Lokendra Singh Tomar-ara Madhya Pradesh-ni Gwalior-o songdonggipa ong·a jean Sonam Raghuvanshi-ni dongnue chakgipa nokni malik ong·a, aro Balbir Ahirbar-ra ua nokrango security guard-ni kamko ka·gipa ong·a.
Na·simang ia video-koba nina man·gen:
Na·simang iakoba poraina man·gen: Sima ario Aadhaar-ko jakkalsretenganiko rim·na Ampati-o training-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
