25.6 C
Tura

Rajabala Fire & Emergency Service Station-ko rikna janapaniko sorkari ra•chaka

Must read

Shillong, Feb 20: Mongolbar salo, Home (Police)-ni incharge Deputy Chief Minister, Prestone Tynsong, West Garo Hills a•jani ning•o Rajabala Fire & Emergency Service Station-ko rikna gita February jani 7 tariko janapatgiminko sorkarini gita ra•chakaha inenba Assembly-o parakataha.

Ian a•ja ning•o, rang•gitik wa•al kame a•sel ong•aoniko komiatna aro wa•al kimitanio dakchakenggipa dolrang tik somoio a•sel ong•chakram biapona sokna man•a gita ja•ku de•ani ong•a ineba Tynsong, Assembly-o aganchakataha.

Advertisement

Indake, 2020-21, 2021-22 aro 2022-23 bilsirangni gisepo, West Garo Hills a•jani ning•o donggipa Gomaijhora aro Rajabala songrango, changchet mangni gita rang•gitik wa•al kame a•sel ong•aha. Ia a•sel ong•chakram biaprangona, jamanchakbegipa koborrangko man•soahani gimin aro fire service station-oni ramarang chel•beani a•selo, fire service ba wa•al kimitanio dakchakenggipa dolrang somoi gita sokna man•jahachim ineba ua agandapataha.

Batanggimin 2020 bilsini January jani 25 tariko aro 2023 bilsini April jani 7 tariko Bhaitbari Bazaar aro Rajabala Bazaar-o rang•gitik wa•al kame a•sel ong•anio, ua a•sel ong•chakram biaprangona dakchakenggipa dolrangni somoi gita sokna man•jani a•selo, ua jolo songdongenggipa manderang aro dakchakenggipa dolrang baksa nanggrikani ong•skaaha ineba Tynsong aganataha.

Na·simang iakoba poraie nina man·gen: Mawphlang Science & Commerce College-ko June jao matchotgen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

More articles

-->
-->

Latest article