25.6 C
Tura

Mawphlang Science & Commerce College-ko June jao matchotgen

Must read

Shillong, Feb 20: Mawphlang-o rikenggipa Science & Commerce College-ko ia bilsini June jao matchotgnok ine Mongolbar salo, Meghalaya a•dokni Education Minister Rakkam A Sangma parakataha.

Education Minister-ni Assembly-o parakatani gitade, ia Science & Commerce college-ko rikani kamrang da•o 72 percent-ni gita matchotaha aro nokko rika matchote, skigiparangko aro gipin kam ka•giparangko kamo rakkimanahaon class-rangkoba joljol a•bachenggnok.

Ia college-na 2017 bilsini June 30 tariko gong crore 36.55 tangkarangko chamatahachim aro da•alona kingking ia college-ko rikanio gong crore 14.815 koros ong•aha.

Indake ong•engon, Mawphlang-o ia college-ko rikani chinrangko nikna man•jaengani gimin ia college-ko June jani gisepo matchotna man•genma ine Mawphlang-ni MLA Matthew B Kurbah sing•doatskaenba, ia college-ko ta•rake matchotatna man•na gita nangdapenggipa korosrangko ta•raken on•china sorkariko didiataha.

Iana a•dokni Education Minister aganchakaniko on•angskaengon, ia project-ko 2020 bilsion matchotna nisan donahachim indiba COVID-19 sajinmani a•sel a•arangko pakwatanio aro gnigipa tangka paisarangko on•atanio ja•manchakahani a•sel kamko somoi gita matchotna man•jaha ine talataniko on•angaha.

Na·simang iakoba poraie nina man·gen: Wak bi·sa sidamana sorkariko jaksi ota

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

More articles

-->
-->

Latest article