Shillong, July 25: Re•anggipa Sukrobar walo, Tura-ni Edenbari jolo donggipa Tura MDC-ni baganko police-rangni chadrapanio police-rangni jokatgipa bi•sa sakbongani bidingo am•sandichina gita Sombar salo, Meghalaya Legislative Assembly-ni Women Empowerment Committee, a•dokni Social Welfare department-ko ge•etangaha.

Women Empowerment Committee-ni Chairperson Ampareen Lyngdoh-ni parakatani gitade, ia bi•sa sakbongani bidingo am•sandienba, August 8 tarikni gisepon report-ko on•china ia committee, Social Welfare department-na ge•etaniko on•atmanaha.

Ia bi•sa sakbongani bidingo committee chanchirimangaha ine janapatengon, re•anggipa jao Shillong songjinmani Nongrah gittimo so•otako man•gipa bi•sa sakgnini nokdangna ex-gratia payment-ko on•na gita Social Welfare department kamko matchotaha aro ia tangka paisarangko da•o sal 10-ni gisepon on•naba gnang ine Women Empowerment Committee-ni Chairperson parakataha.