Tura, June 20: Meghalaya-ni skotong minister Conrad K Sangma da·al salni bako West Garo Hills a·jani Selsella C&RD Blockni ning·o donggipa Rengmagre songona re·ange uano donggipa chadamberangna doka-dam·ani bosturangko sualataha.
Re·anggipa ja-o Masangpani-ona re·angmitingo skotong minister Rengmagre songni kal·chakramo dongdipon me·a bi·sarangni cricket kal·aniko nikaha aro uamang uko uamangni kal·chakramko namdapatna aro doka-dam·ani bosturangko on·e uamangna dakchakchina aganahanina da·o skotong minister songni chadamberangni nangnikanirangko chu·sokatenga ine skotong minister Conrad Sangma parakataha. Songdonggipa chadamberangko poraia-skiana agreba doka-dam·anirangko skie ra·e aro kal·susaanirangko bak ra·e, gisikko dilsretgipa social media, drugs, churing-chupekani aro uandakgiparangko chel·e mikkangchina ja·ku ga·angchinaba ua didiaha.
Una ageba, musical instruments-oniko lak 8 tangkarangko songni kal·chakramo pilak nanggipa taridapanirangko dakchina tikataha ine skotong minister agandapaha. Indake ong·engon, songni silroro-namroroani gimin songdonggiparangni aganrimanirangko knana ine CM Connect Sessionkoba ong·atjolaha aro manderangni neng·nikanirangko namatna an·tangni on·kange kam ka·aniko mesokaha. Agriculture, PHE, MeECL, Health aro gipin departmentrangni manderangba iano dongpaaha
Ia tom·anio manderangni parakatgipa mongsonggipa neng·nikanirangara chi-na neng·nikani, bijoli-na neng·nikani, skul-nokrangko taridapani, sorokrangko tariani aro uandakgiparang, aro ia kamrangko nanggipa departmentrang baksa nirokchina aro reportko watata baksana neng·nikaniko man·a dipet ta·rake namatchina skotong minister West Garo Hills a·jani Deputy Commissioner-ko ge·etaha. Bijoli-na neng·nikani bidingo, ma·mong sorkarioni Rural Distribution Scheme-ko (RDSS) ra·gatenga aro bijoli donggijagipa nokdangrangba ia schemeni ning·o man·chapaha, uandake ia scheme-ko kam-ona ra·bana adita somoi nangnaba donga ine ua parakataha.
Skotong ministerko uni gamchatgipa somoiko ra·e re·baanina aro manderangna dingtang dingtang schemerangchi dakchakanina aro tangka-paisarangko on·anina Selsella Assembly Constituency-ni MLA Arbinstone B Marak mitele aganaha.
West Garo Hills Deputy Commissioner, Vibhor Aggarwal, SDO Sadar, Tura, Block Development Officer, Selsella C & RD Block, Emmanuel M Sangma, line Departmentangni Officerrang, songni Nokma aro manderang ia tom·anio bak ra·angaha.
Na·simang ia video-koba nina man·gen:
Na·simang iakoba poraina man·gen: Assam-o ONGC-ni gas selenggipako pindapkamgnok : CM Sarma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
