Guwahati, June 20: Assam-ni Skotong Minister Himanta Biswa Sarma, Oil and Natural Gas Corporation (ONGC), Sivasagar a·jao sele dongenggipa gas-ni akolko pindamkamgnok ine Sukrobar salo parakataha.
Bhatiapar-ni Barichuk-o donggipa Well No. RDS 147A-o gas selgipara ONGC-ni Rudrasagar oil field-ni bak ong·a, jekon ONGC-na SK Petro Services ingipa private company chalaiengachim.
ONGC, Plan A aro Plan B-ko jakkale ia selenggipa gasni akolko mitipatna jotton ka·ahachim, indiba chu·sokna man·jaha ine aganengon, da·o company-ni gita ia gasni akolko Plan C ba pindapkamaniko dakskagnok ine Skotong Minister parakataha. US-ni u·i-ma·sigipa dolrang ia neng·begipa kamo dakchakaniko on·a Sukrobar salo sokbagen aro kamrangko Sonibar saloni a·bachengatgen ine aganenba, ia kamko matchotatna sal 4 ba sal 5-rang nangnaba donga, ineba Skotong Minister Himanta Biswa Sarma talate on·angaha.
Ia gas-ni akolara chibima-oni bang·e chel·jani gimin, bebe gita mikka bitchirang bang·e ga·akode ba chi ban re·ani ong·ode dal·begipa ong·telaigipa obostaona soknaba dongachim ine ua aganangaha. Iani gisepon, manderangko naljoke rakkianian nangchong·motgipa kam ong·a ineba ua agandapangkuaha.
ONGC aro Sivasagar-o donggipa jolni official-rang, ia gas selanichi sepangjolo donggipa nok jamrang ba gama ge·anirang nosto ong·atako man·ama man·ja sandie nianiko dakenga ine Sarma u·iataha. ONGC-ni Chairman, nangchakea man·gipa nokdangni manderangna tangka paisani gita dakchakaniko on·a ku·rachake ra·angaha ineba Skotong Minister u·iatangaha.
Na·simang ia video-koba nina man·gen:
Na·simang iakoba poraina man·gen: AP-ni Pongchau songni chadamberang lekka-poranio songtangna rasongko ra·baa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
