Dibrugarh, June, 20: Arunachal Pradesh a·dokni Indo-Myanmar sima ari-o donggipa Pongchau song-ara sorkari-ni kosako re·gipa burungni manderangni a·sel bang·a namgija bimungrangko man·ahaoba, da·o songni chadamberang bimung namako ra·baskaaha.
Assam Rifles-o sipai-ni kamko ka·e a·bachenggipa Longhee Wangsa, uni on·kange aro krenge kam ka·anichi da·o Assam Rifles-ni Assistant Commanding Officer ong·aha.
Pongchau songni Government Higher Secondary School-ni chatri saksa, Phohee Wangsa-ba Class XII, CBSE Exam 2024-25-o 91.8 percentko man·e Arunachal Pradesh a·dok gimikoni gnigipa biapko man·aha.
Uamangko mande ra·ani programme-ko Pongchau Village Council aro Pongchau Students Union bakrime ong·ataha. Longhee Wangsa, aro Phohee Wangsa baksana sak-42 dingtang dingtang officerrang aro porikkarango chu·sokgiparangko iano mande ra·aniko dakaha.
Indo-Myanmar sima ari-ni sepango donggipa, chasong gitalni cholrangko man·gijagipa Pongchau song-oni dingtang dingtang gadango chu·sokgipa officerrang aro chatro-chatrirangko mande ra·aniko dakna man·aniara Pongchau songni manderangna namen rasong chabeani ong·a ine songni ZPM Laito Wangsa kusi ong·bee parakataha.
Na·simang ia video-koba nina man·gen:
Na·simang iakoba poraina man·gen: Kailash Mansarovar Yatra-ko Sikkim a·dok gita bilsi 6 jaman a·bachengatpiltaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
