Shillong, June 20: North Eastern Hill University-ni (NEHU) Zoologyni senior professor aro School of Life Sciences-ni Dean Nirmalendu Saha-ko lak 3.43 ku·mitu ra·anina Central bureau of investigation-ni (CBI) rim·ani ja·mano, NEHU uko kam-oniko suspend ka·aha.
“CBI-ni rim·ani konta 48 ja·mano, niamrango pangchake Prof. N. Saha-ko NEHU uko suspend ka·aha ine changen. CBI-oniko kobor man·ani ja·mano university una suspension letter-ko on·enga,” ine NEHU PRO Sukrobar salo parakataha.
Matnangako man·gipa sakgni – Prof S. Saha baksana Guwahati-o saksa firm chalaigipa, Beltola-ni Pranjal Sharma-ko June 12 tariko CBI rim·aha. Koborrangko man·soani gitade, Guwahati University Guest House-o lak 3.43 tangkarangko uamang sakgni ku·mitu ra·aha aro niamni a·palo ong·gipa kamrangko gipin u·igijagipa manderang baksa ka·enga aro scientific equipmentang, laboratoryni bosturang aro uandakgiparangko ra·na minge tangkarangko ong·gija jakkalenga ine knae, CBI uamangko ja·ga sae daksurkmitingko rim·aha aro June 11 tariko uamang sakgnini kosako case ka·aha.
Uandake, matnangako man·gipa sakgniko June 12 tariko Guwahati court-o mikkang pa·ataha.
Na·simang ia video-koba nina man·gen:
Na·simang iakoba poraina man·gen: Kailash Mansarovar Yatra-ko Sikkim a·dok gita bilsi 6 jaman a·bachengatpiltaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
