Gangtok, June 20: Sikkim a·dok gita bilsi 6-na champengatgimin Kailash Mansarovar Yatra-ko 2025 bilsini June 20 tarikoni watpiltaiengaha. Sikkim a·dokni Governor, Om Prakash Mathur, Nathu La Pass-oni re·chakatbagipa sakgni guide-rang, saksa medical officer baksana pilgrim-rang ba rongtalgipa biaprangona re·gipa sak 33 manderangni songreaniko officially a·bachenge on·angaha.
Governor, uamangni re·chakatna skang pilgrim-rang baksa agan-golgrikaniko dakenba uni nama skanirangko on·atenba, ia rongtalgipa songreaniko a·bachengatpiltaina dakchakaniko on·ahanina Prime Minister Narendra Modi-koba mitelangaha. Ia songreanina jakkalgipa rama a·songrangni gisepo meli nangrimaniko mesokan baksana India a·songni ma·gitcham pagitcham-rangni bebe ra·ani dakbewalrangko ripinge rakkina gitaba dakchaka ineba ua aganangaha.
Uasan ong·aigija, ia ga·nanggijagipa a·briarigipa biaprango pilgrim-rangko naljoke rakkianina Sikkim sorkari, Indian Army aro ITBP-rangkoba ua de·mitele aganangaha.
Pilgrim-rang, chugipa biaprango songrena nangani gimin 18th Mile aro Sherathang-o medical check-up ka·anirangko dakan baksana uamangna training-rangkoba on·angaha. Uni jamano uamang, rongtalgipa Mount Kailash aro Lake Mansarovar-ona China gita napakangaha, jeon official-rang uamangko rimchaksoaha.
Ia yatra ba songreaniko name matchotatna gita, Ministry Of External Affairs, Sikkim Tourism Development Corporation aro ITBP dol nirokaniko dakataha.
Sikkim Legislative Assembly-ni Vice President, Rajkumar Thapa-ko man·chape, Tourism Minister T Bhutia, Roads and Brigdes Minister N. B. Dahal aro MLA-rang chong·motan Pamin Lepcha aro T Bhutia, Tourism-ni Additional Chief Secretary C. S Rao baksana Indian Army, ITBP aro Sikkim sorkarini a·gipibatgipa officer-rangba iano dongpae bak ra·angpaaha.
Na·simang ia video-koba nina man·gen:
Na·simang iakoba poraina man·gen: Sildoreng a•sel ong•anio sianggipa Lalnunthem-ko mande ra•bee gopa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
