Imphal, Jun 20: Adita salrangna skang, Air India sildorengni Ahmedabad songjinmao ga•aksrue a•sel ong•anio sianggipa cabin crew Lamnunthem Singson-ni manggisiko Sukrobar attamchibara, Manipur a•dokni Kangpokpi gopramo mande ra•bee gopaha.
Uni manggisi, Bristibar walni 9:20 bajimango Manipur a•dokni Kangpokpi-o donggipa uni nokona sokbaaha aro uni manggisi sokbaani ja•man hajalni hajal manderang, una kalimanirangko dakangaha.
Lamnunthem-ni manggisiko ra•baengmiting somoio una mande ra•ani chin gita Kangpokpi Town Committee, National Highway 2 ramani paktangtangon jinma riting dake mombatirangko ra•e sengsotokaha.
Lamnunthem-ni manggisi sokbaani ja•man, dingtangmancha uni noko jinma bi•rimanikoba ong•atangaha.
Lamnunthem-na bon•kame mande ra•pilskaaniko dakna gita Sukrobar pringni 11:00 bajimango, jinma tom•anikoba ong•atangaha aro tom•a matchotani ja•man uni manggisiko mande ra•bee, Kangpokpi gopramo gope galaha.
Air India-ni bilsi 26 ong•gipa air hostess Lamnunthem Singson, 1998 bilsini November 13 tariko Manipur a•dokni Kangpokpi jillao atchiaha aro uni nokdango gimik sakbri dedrangoni ua demechik saksasanchim.
Re•anggipa June-ni 12 tariko, Air India sildoreng, Ahmedabad airport-oni bilchakatengmiting somoio rang•san ia sildoreng, airport sambaon ga•aksrue a•sel ong•na nangaha aro ia a•sel ong•anio Lamnunthem-ko man•chape sildorengo songreangenggipa bang•bata manderangan so•otako ma•aha.
Na·simang ia video-koba nina man·gen:
Na·simang iakoba poraina man·gen: Jaintia Hills-o gitchambatsranggipa college-ko namdapatna ja•ku de•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
