Shillong, Jun 20: Jaintia Hills-o gitchambatsranggipa Kiang Nangbah Government College-ko namdapatna nangengahani gimin Sukrobar salo, Jowai-ni MLA Wailadmiki Shylla, ia college-ona re•angenba, namdapatna nanganirangko niangaha.
1967 bilsio kuligipa Kiang Nangbah Govt College da•o gitchamahani gimin ia college-ko taridapna nangengaha aro ia college-o classroom-rangkoba kulidapna nangengaha.
Adita salrangna skang a•dokni Chief Minister Conrad K Sangma-ni Jowai-ona re•anganio, ia college-ko taridapna ku•rachakaniko on•angani ja•man, namdapatna nanganirangko nina gita Sukrobar salo, Jowai MLA an•tangan ia college-ona re•angaha.
Ia college-ona re•anganio Shylla, ia college-ni canteen, ia college-o rikdapna miksongenggipa professor-rangni quarter, nosto ong•angenggipa auditorium, classroom-rang aro library-koba niangaha.
College-ko niangani ja•man kobor ra•timgipa manderang baksa agangrikengon, ia college-ko taridapna aro dal•batatna gita uamang, gong crore 30-mangni gita hisapko tarigen aro ia nanganirangko sorkari, chu•sokate on•gen ine Shylla, an•tangni ka•dongchakenganiko parakataha.
Ia college-o napna biming segatenggipa chatro chatrirang batroroengahani gimin komibeoba dam 20 classroom-rangko ia college-o rikdapna nangenga ineba ua aganaha.
Na·simang ia video-koba nina man·gen:
Na·simang iakoba poraina man·gen: Shillong-ni Ganesh Das Hospital, Bronze Quality Certification-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
