Nongpoh, Mar 13: Bristibar walni 12:55 bajimango, gas cylinder salgipa truck gari bolsa, Ri Bhoi a•jani Pahammawlein-o donggipa National Highway Authority of India (NHAI) toll gate sambao rang•gitik wa•al ching•gaoaha aro ja•mano ta•raken garini mikkangchipak donggipa bakrangko kamgopaha.
Koborko on•ani gitade, gas cylinder-rangko salgipa AS-01SC 1518 truck gari, Guwahati-oni Shillong-chipakna re•angengachim indiba janapgimin biapona sokon, ia truck gario rang•gitik wa•al ching•gaoaha aro garini mikkanggipa bakrang bewalan nosto ka•ako man•aha.
Gariko wa•al kamani gimin kobor man•soa bakan Byrnihat Police Station-ni sipairang, Fire & Emergency Service-ni sipairang aro NHAI-o kam ka•enggipa manderang baksa ua biapona re•ange, wa•alko kimitena man•aha aro dal•a a•sel ong•gnioniko champengna man•aha.
Koborko on•ani gitade, ia gariko wa•al kamanio darangba saknaanirangkode man•jaha.
Na·simang iakoba nina man·gen:
Na·simang iakoba poraina man·gen: Kokrajhar-o cr 4570-ni project-rangko PM Modi a•bachengate on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
