Guwahati, Mar 13: Bodoland jolrango ta•rakbate namroro silroroaniko ra•bana gita Sukrobar salo, a•songni Prime Minister Narendra Modi, internet gita gong crore 4570-ni dingtang dingtang project-rangko a•bachengate on•angan baksana pangchakanirangkoba songe on•angaha.
Mikkarang simani a•sel ia program-ona sokbana man•jae a•songni PM Modi, video conference gita aganprakatengon, skangode Bodoland-o so•sojengjeng ong•anirangan gapachim indiba da•ode tom•tomani aro namroro silroroaniko nikna man•skaengaha ine parakataha.
Ia project-rangoni mingsade, Bodoland Territorial Region (BTR)-o rama jal•langrangko mangrakbatatna gita crore 1100-na bate tangka paisarangko chame on•gipa Asom Mala program-ni gittamgipa bakni ning•o rama tarianian ong•a ine janapatengon, ia jolrango rama jal•langrangko namdapatanichi, bading chiwalani aro tourism-ko tang•doatan baksana game ge•e cha•giparangni bosturangko palna sim•na altubatatani ong•gnok ine PM Modi aganaha.
Kokrajhar jolrango rel ramarangko taridapna sienggipani bidingoba PM Modi janapangaha aro Kokrajhar-o Vande Bharat aro Rajdhani Express gita dakgipa rel garirangni neng•takanian Kokrajhar jolrango namroro silroroaniko mesokani ong•enga ine parakataha.
Bodo dilgiparangoni mingsinggipa Upendranath Brahma aro Roopnath Brahma-naba ua mande ra•pilskaaniko dakangaha.
2020 bilsini Bodo Peace Accord-chi Bodoland jolrango tom•tomaniko ra•bana man•aha ine janapatengon, bobil dake chakatgipa manderangoni hajalni hajal manderang, tom•tomaona re•bapiltokaha ine PM Modi aganaha.
Na·simang iakoba nina man·gen:
Na·simang iakoba poraina man·gen: Mobile Food Processing Unit-ko a•dokni Governor kulie on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
