Nongpoh, Feb 14: Mongolbar salo, Ri-Bhoi a•jani Umran Dairy-oni bilsi 52 ong•gipa ma•gipa saksa, uamangni song sepangjolni buringoniko dedrang baksa buringni me•su samjakko am•sandiangengmiting somoio bijoli nangenba siaha.
Ia sianggimin ma•gipara, Edwina Lyngdoh Lyngkhoi ong•achim. Ua namen kangalbegipa nokdangoni ong•achim aro nokdangni manderangko aldumitangna gita buringni me•su samjakrangko am•ronggipa ong•achim ine u•ina gita man•a. Indake ong•engon, rasonggribee, a•ao chotonge ga•ake dongenggipa bijolini silitingo ga•dapman•enba ua bijoli nange siaha.
Ia a•sel ong•aniko demechikgipa nikenba ma•gipako jokatchina chrik a•bokahaoba, rasonggribee ma•gipa ua a•damon sina nangahachim aro uni manggisiko Nongpoh Civil Hospital-ona nangchongmotgipa dakna nanggnirangko dakna gita rimangaha.
Umiam Dairy songni nokma, Lambor Mukhim, ia koborko man•soa bakan ua biapona re•angaha aro chote dongenggipa bijolini silitingni a•selo ia ma•gipa sina nangaha inenba parakataha. Ua, bijoli silitingrangna badepile dal•roroenggipa bolrangko nirokronganiko dakchina maina iarangchin indakgipa a•selrang ong•rongenga inenba Department-ni manderangko mol•molataha.
Una agreba, jako ra•e kamko ka•enggipa authority-rang, indake voltage bang•gipa bijoli silitingrangni gimin simsakaniko dakchina aro mikkangchi iandakgipa a•selrang ong•taijana gita nirok sandironganiko dakchina gitaba ua didiataha.
Iakoba poraie nina man·gen: Assam-o Congress dolni dilgipa saksa kam wata; BJP-o napangskanaba gnang
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
