Imphal, May 16: Manipur a∙doko mondolini dilgiparangko so∙otanichi so∙sojengjeng ong∙anirang batroroengon, bang∙a tribal dolrang aro civil society organisation-rang tribal manderangko chel∙chakna aro uamangni neng∙nikanirangko namate on∙china dabianirangko dakangaha.
Bobil dake chakatgipa dolrangni chadrape goanio so∙otako man∙gipa mondolini dilgiparangko Sukrobar salo ritchani ritcha Kuki-zo manderang bon∙kame mande ra∙aniko dakangaha, aro uamangni manggisirangko Manipur-ni Kangpokpi a∙jao donggipa Brigadier M. Thomas Ground minggipa biapo gopaha.
Tribal dolrang aro civil society organisation-rang ia obostani bidingo National Investigation Agency-ni (NIA) am∙sandianiko nanga, dos dakgipa aro jak donggipa pilak manderangko am∙sandina aro sasti on∙na nanga, songdonggipa manderangna aro toromni dilgiparangna pangkamgipa naljokaniko on∙na aro kenani gnanggipa jolrango dingtangmancha nitimanirangko dakna nanga ine dabianirangko dakangaha.
Una agreba, uamang Suspension of Operations (SoO) dolrang baksa agangrikanirangko dakangaha, manderangko sinjetanirangko on∙aha ine ra∙chakatangaha, aro Manipur a∙doko tribal-rangna dingtang administration-ko dakchinaba janapangaha.
So∙otako man∙gipa mondolini dilgiparangara Kangpokpi a∙jani Taloulung songoni Reverend Vumthang Sitlhou (Manipur Baptist Convention-ni gitcham general secretary); Kangpokpi a∙jani Keithelmanbi Military Colony-oni Reverend Kaigoulun Lhouvum; aro Kangpokpi-ni Keithelmanbi Military Colony-oni Pastor Paogoulen Sitlhou ong∙a.
Indake ong∙engon, obosta ong∙ani apsan salo Noney a∙jao chadrape so∙otako man∙gipa Wilson Thanga-ni siani ja∙mano Naga dolrang jekai All Naga Students’ Association Manipur (ANSAM), dos dakgipa manderangko bilakgipa sastirangko on∙china, aro uamangko sorkari rim∙e on∙gen ine ku∙chake on∙jana kingking so∙ota man∙gipa mandeni manggisiko ra∙angjawa ine dabiangaha.
Na·simang iakoba nina man·gen:
Na·simang iakoba poraina man·gen: Skotong Minister, DREAM-ni bidingo nipiltaiani tom·bimonganiko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
