Shillong, May 16: State reservation policy-ni roster system-ni bidingo Meghalaya Cabinet, Budbar salo tom•gen aro uni ja•man MDA-o bakrimenggipa dolrang baksa tom•aniko ong•atenba, May-ni 19 tariko pilak political dolrang baksa tom•aniko ong•atangskagen ine Mongolbar salo, Meghalaya a•dokni Chief Minister Conrad K Sangma parakataha.

Chief Minister-ni parakatani gitade, roster system-ni bidingo jinmana talataniko on•na gita a•dok sorkari tariengaha aro sorkarini mesoke on•aniko nikahaon manderangni gisepo ma•sisretanirangko talate on•na man•gnok.

Meghalaya a•doko songsalna kam ka•gipa dolrang, NGO-rang, mondolini dilgiparang aro songko nokko dilgiparang bang•dugaani gimin iandakgipa dolrangna sorkari, mikkang antio talate on•angskagen ineba Chief Minister parakataha.

Iakoba poraie nina man·gen: Golmal ong·anichi jachanggipa manderangko Assam Rifles rimongkatbaa