Shillong, May 21: Sports Authority of India, Sports Training Centre Shillongni gita ming dok kal·susaanirangna gisiko nanggipa chadamberangko seoke kal·e niate nambatgipa ko seoke skie on·aniko dakangna sienga. 2025-2026 bilsini Training schemeni gita kal·susaanina gisik nanggipa chadamberangko seoke, Shillongo dongkame aro dongkamna nanggijagipa trainingrangko NEHU Campus Shillongo donggipa SAI, STC-o ong·atanggen. Bilsi 12 oni bilsi 18 ong·gipa chadamberang, Archery, Athletics, Boxing, Football, judo aro Karate kal·anirangna janapgimin trainingo bak ra·na man·gen.
Archery, Athletics, Boxing aro Karate-na May jani 30 aro 31 tarikrango kal·e niatgen.Iano bilsi 12 oni 18 ong·giparang jotton ka·e nina man·gen. Archery-nade me·chik bi·sarangsan dongkame skie ra·na man·aigen, me·a bi·sarang aro me·chik bi·sarangba sikgipade re·rurae skie ra·na man·aigen. Athletics, Boxing, Karate kal·giparangba dongkame aro dongkamgijaba skie ra·na man·gen.
Football ba robol kal·susaanina June jani 9 aro 10 tarikrango seokangskagen. Judo kal·anina apsan salon seoke kal·e niatgen aro pilak kal·susagiparangan pringni 8 bajio biapona sokna nanggen.
April 1 2025 bilsio bilsi 12-18 gapgiparangsan iano bak ra·na man·aigen. District Level-o aro gipinrango top three kal·aniko matchotgiminrangna ian namgipa chol ong·enga.
Iano bak ra·na re·angna sigiparang, passport photo, adhar Card, Birth certificate aro Sports kal·ao man·gipa certificaterangko ra·angna nanggen.
Na·simang ia video-koba nina man·gen:
Na·simang iakoba poraina man·gen: Inter-School Athletic Meet-ni U-16 Javelin Throw-o A•chik me•tra saksa ‘Record break’ ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
