Shillong, May 21: Shillong NEHU Campus-ni SAI STC-o ong•atenggipa State Level Inter-School Athletic Meet-ni Under-16 Javelin Throw-o East Khasi Hills-na kal•enggipa A•chik me•tra Tsame M Marak, meter 31.38 ong•e gona man•enba gold medal-ko man•aha aro gitcham record-ko pe•aha.
Tsame M Marak, North Garo Hills a•jao donggipa Bajengdoba songoni ong•a aro ia Javelin goanio ua meter 31.38 gona man•e, 2024 bilsio West Jaintia Hills a•jani Wankynsai Pyrtuh-ni meter 28.64 ong•e goaniko pe•na man•aha.
Iandake chu•sokgipa ong•na man•anina ua Shillong SAI-o bilakbee skianiko man•ahani gimin mittelpilaniko parakataha.
“SAI Shillong-o skianiko man•e aro ianoba anga skie ra•anichi Under-16 javelin throw-o gold medal-ko man•aha,” ine Marak aganaha.
Ia me•trani Javelin goanio chu•sokgipa ong•aniara Sports Authority of India (SAI) centre-o kal•susaanio gisik nanggiparangna nambee aro bilake skie on•aniko mesokaniba ong•aha.
Ia under-16 javelin goanio chu•sokgipa ong•ahani gimin da•o changgipinode ua under-18 javelin goanio bak ra•skana miksongenga ine Tsame Marak aganaha.
Na·simang ia video-koba nina man·gen:
Na·simang iakoba poraina man·gen: WJH-ni Hubert Rosario Road-ko CM kulie on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
