Shillong, May 21: West Jaintia Hills a•jani Mookaswan-o gital tarigipa Hubert Rosario ramako Budbar salo, Meghalaya a•dokni Chief Minister Conrad K Sangma kulie on•angaha.
Ia km 1.13 ong•gipa ramara Hubert Acupressure Centre-ona tarianggipa rama ong•a aro ia ramako gong crore 1.93 koros ong•e tariaha.
Ia ramako kulie on•anganio a•dokni Chief Minister, jinmana aganprakengon, iandakgipa kamrangko chu•sokate on•anio mongsonggipa bakde badita koros ong•aha ua ong•ja indiba badita sak manderangni janggi tanganiko ian dangtapna siengachim, uasa ong•a ine aganaha.
A•dok sorkarini ra•baenggipa namroro silroroani kamrangko janapangengon, 1991 bilsioni 2018 bilsiona gong crore 659-ni ramarangkosan tarina chamaiaha indiba batanggimin bilsisnini gisepon gong crore 4000-na baten rama jal•langrangna sorkari tangka paisarangko chamaha ine Chief Minister parakataha.
Ia bilsisnini gisepo Pradhan Mantri Gram Sadak Yojana (PMGSY)-ni 70 percent ramarangko tarina man•aha ineba ua aganaha.
An•seng baljokani kamrangna tangka paisarangko chamanio Meghalaya a•dokba crore 1000-na baten tangka paisarangko chamanichi a•songo bang•bate tangka paisarangko chamgipa a•dokrangoni damsa ong•aha ine janapatengon, ia sorkari, sorkari hospital-rangnasan dakchakanirangko on•enga ong•ja indiba Mondolirangchi chalaienggipa aro gipin private hospital-rangnaba dakchakanirangko on•enga ine Chief Minister aganaha.
Hubert Acupressure Centre gita dake songadam nokadamrango donggipa health centre-rangna sorkari, da•o changgipino tangka paisani gita dakchakanirangko on•angkugen ineba ua aganaha.
Ia tom•anio a•dokni Deputy Chief Minister Sniawbhalang Dhar-ba dongpae jinmana aganprakengon, Mookaswan jolrango donggipa manderangna an•seng baljokaniko on•na gita an•tangtangko on•kange kam ka•engani gimin Sister-rangko mittelpilangaha.
Na·simang ia video-koba nina man·gen:
Na·simang iakoba poraina man·gen: Chi kimonganichi STNM hospital-o dialysis ka·na neng·nikaniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
