Dibrugarh, May 2: Batanggimin adita salrangni gisepo Arunchal Pradesh-ni dingtang dingtang bakrangoniko sipai dolrang National Socialist Council of Nagalim-ni (NSCN) sakgittam cadre-rangko rim∙dapaha.
Arunchal Pradesh-ni Salaram joloniko bobil dake chakatgipa dolrangko rim∙na ine sipai dolrang am∙sandianirangko a∙bachengataha.
Rim∙a man∙gipa manderangara NSCN-ni (KYA) SS Lt. Bewang Tangha, NSCN-ni (KYA) Manseng Jugli aro NSCN-KK-ni Kamnong Pangtha ong∙a.
“Ka∙dongna man∙gipa koborrango pangchake, batanggimin sal 4-5ni gisepo sipai dolrang Indo-Myanmar sima ari jolrango am∙sandianirangko dakangaha. April 29, 2026-o NSCN-ni (KYA) SS Lt. Bewang Tangha-ko rim∙na man∙aha,” ine Arunachal Pradesh Police, social media X-o parakataha.
Uandake, April 27, 2026-o New Putok songo am∙sandianirangko dakenba NSCN-ni (IM) Manseng Jugli-ko rim∙aha. Uni ja∙mano NSCN-KK-ni Kamnong Pangtha-koba rim∙na man∙aha, aro Nampong Police Station-o badi ka∙angaha ine uamang agandapangaha.
Bobil dake chakatgipa dolrangko am∙sandianirangko dakangkuenga aro bang∙a NSCN cadre-rangko rim∙e patokona watataha ine saksa official aganangaha.
Indake ong∙engon, Sukrobar salo Assam Rifles aro Arunachal Pradesh Police Tirap a∙jaoni Khonsa minggipa biapni Wangcho Colony-oniko am∙sandianirangko dakenba NSCN-K (Nikki Sumi) dolni sakgittam cadre-rangkoba rim∙aha aro ge∙gni 7.65 mm pistolrang baksa magazine-rang, rongsku gulirang, mobile phone ge∙gittam, SIM card ge∙gittam, GPRN document-rang aro Rs 500-ni pekgipa bosturangko uamangoniko man∙aha. Rim∙ako man∙gipa manderangni bimungrangara- Wingan Agan (33), Jhonny Riba (21) aro Rajapeyu Khechan Khetey (30) ong∙a.
Na·simang iakoba nina man·gen:
Na·simang iakoba poraina man·gen: M’laya a·doko AUM ingipa mutual fund-o invest ka·ani ta·raken barienga, re·baenggipa bilsi 5 ba bilsi 6-ni gisepo gadangni baridapnaba gnang
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
