Shillong, Sept 19: Manipur a•doko pekatgipa bosturangko bading chiwalanina rim•a man•gipa mande baksa jachipchang ra•gipa noksani bidingo, Chief Minister ong•anggitcham Dr. Mukul Sangma-ni matnange agananiara, sakki on•arangni gisepo krabatgijagipa kam ong•a ine Meghalaya a·dokni Chief Minister Conrad K Sangma, Mongolbar salo parakataha.
Pekatgipa bosturangko niamni a•palo badinggipa Manipur-ni Henry Lalremsanga, jekon 2013 bilsini April 23 tariko, gong crore dok damni jakkalna champenggimin pseudoephedrine tablet baksa rim•ahachim, uko Conrad aro uni jikgipa baksa jachipchang ra•gipa noksako nike a•dokni skotong minister ia dos gnanggipa mande baksa namen meli nangrimani donga ine matnange Mukul aganahachim.
Ia matnanganiko ua, a•doko pekatgipa bosturangko jakkalani bidingo Assembly-ni Autumn Session-o chanchirimaniko dakengmiting somoio aganahachim.
“Ia sal somoirango, mande sakgnini apsan jachipchang ra•ani noksako ra•bae tol•e matnange agananiara, sakki on•arangni gisepo krabatgijagipa kam ong•a,” ine Conrad, kobor ra·timgiparangna aganataha.
Ua rama sorokrangko re•angengmitingoba saoba uming jachipchang ra•na am•ode pangnan jechakrongja aro uamangko gronge apsan asonge jachipchang ra•rongaia ineba ua aganaha.
“Sakgnini gisepo jachipchang ra•ani noksao pangchake tol•e matnange matchotataniara kakket ong•a ine ra•chakna man•gijani ong•a ine anga chanchia. Maiba ong•gija kamrangni gimin janapengode kraa sakkiko mesokna nanga, uni gimin, court-o ba police-rangna mokordoma ka•anio Conrad Sangma-ni bimung dongachimma ma ia case-ni bidingo agangrikaniko dakna okamatahama?” ine Conrad sing·doataha.
Iani bidingo sing•aniko dakon, Assembly-o je ain ba niamrangko donsoman•aha uarango pangchake ja•kurangko de•anggen aro jekon mande ra·na kragipa Assembly-ni Speaker janapataha uarang gitan kamrangko ka•anggen indiba iani bidingo ua mamingkoba dakjawa ineba Sangma aganchakaniko on·angaha.
Iakoba poraie nina man·gen: PMKKKY-ni ning·o cr 135 man·soaha: CM
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
