Tura, Mar 2: Tura Christian College-ni salgnina ong•atenggipa Youth Parliament 2026-ko Sombar salo Tura-ni District Auditorium-o a•bachengataha.
Ia Youth Parliament-ko ong•atna gita Meghalaya Legislative Assembly, dakchakanirangko on•enga aro ia program-ko Tura Christian College-ni Political Science Department sokachakenga.
Ia Youth Parliament-ko a•bachengatanio, Meghalaya Legislative Assembly-ni Speaker Thomas A Sangma, mongsonggipa sokgipa ong•e, jinmana aganprakengon, Youth Parliament-rangara, parliament-ni kamrangkosan ong•aigija, mandeni nangchongmotgipa gunrang, jekai gisiko nange knatimani aro saksa sakgipinni chanchianirangko mande ra•ani bidingo skie on•na aro skie ra•na namgipa chol ong•a ine aganaha.
Mandeni chu•sokgipa ong•anio kakket ong•ani aro bamgipa ong•anian pangchakanirang gita ong•a ine janapatengon, dilgipa ong•anide an•tangtangni namgipa dakbewalko mesokanian ong•a ine Sangma aganaha.
Jera ra•grikanirangko chenasan ong•aigija an•tangtangni u•i-ma•sianirangko janapanichi mai nangchakeaniko ra•bana man•gen, ukosa dal•e ra•china gitaba Assembly Speaker, chatro chatrirangko didiangaha.
Inaugural session matchotani ja•man, chatro chatrirang, parliament-rango kam ka•ani bewalrangko daksninge mesokangaha aro iako daksninganio, an•tangtangni u•i-ma•sianirangkoba chatro chatrirang aganna gita cholrangko man•aha.
Ia session-ni matchotao, dingtangmancha result-rangkoba parakataha aro jera ra•grikanio skanggipa boksisko Tura-ni Don Bosco College, gnigipako Tura Christian College aro gittamgipa boksisko Tura Government College man•angaha.
Ia Youth Parliament-ni gnigipa saloba Grand Quiz Competition aro Extempore Speech Competition-ko ong•atanggen.
Na·simang iakoba nina man·gen:
Na·simang iakoba poraina man·gen: Bilsi 11 ong·gipa Shelevah N. Jyrwa Sur Kynud Season 4-ni chegipa ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
