23.8 C
Tura
spot_img

Salgro salaramni pilak a·dokrangon NRC-ko tarichina NESO dabia

Must read

Guwahati, Dec 27: Salgro salaram a·dokrango niam gri katnape dongenggipa gipin a·songni manderangko sandina gita salgro salaramni pilak a·dokrangon National Register of Citizens (NRC)-ko tarichina gita North East Students Organisation (NESO), ma·mong sorkario dabiangaha.

NESO-ni chairman Samuel Jyrwa-ni parakatani gitade, batanggimin bilsirango pilak ma·mong sorkarirangan, niam gri katnape songdong a·chaanirangko champengna man·jahachim.

“Gipin a·songrangoni niam gri katnapbae songdong a·chaenggipa manderangko champengna man·jani a·sel salgro salaram a·dokrango songdongenggipa manderang neng·nikanirangko chagrongna nangtokenga,” ine Jyrwa parakataha.

Niam gri katnapbae songdong a·chaenggipa gipin a·songni manderangko sandina gita salgro salaramni pilak a·dokrangon NRC-ko tarina nangchongmotenga ineba ua parakataha.

Salgro salaram a·dokrango songdongenggipa Tribal manderangni namgnina pilak a·dokrangon Inner Line Permit (ILP)-ko ra·gatchina gitaba NESO dabiengachim.

2019 bilsio ma·mong sorkarini pass ka·gipa Citizenship (Amendment) Act-ko NESO raken jegalangkugen ineba Jyrwa parakataha.

Jyrwa-ni parakatani gitade, salgro salaram a·dokrangona niam gri katnapanirangko champengna ja·kurangko de·ani pal India sorkari CAA-kosa ra·gatskaahachim aro ian salgro salaram a·dokrango songdongenggipa Tribal jatrangna kenchakna nangani ong·engachim.

CAA-ko jegalna gita re·anggipa December-ni 11 tariko salgro salaramni pilak a·dokrangon NESO, ‘black day’ ba andalgipa sal ine gisik ra·angahachim.

CAA-ni kosako jegalanirangko dakangkuna gita re·baenggipa bilsini a·bachengon NESO tom·e chanchirimangtaigen ineba NESO-ni chairman parakataha.

“2016 bilsio ia Bill-ko a·bachengata intalan ia Act-ko NESO jegalahachim aro ia Act-ko ra·galpilkujana kingking chinga iani kosako raken jegalangkugen,” ine Jyrwa parakataha.

spot_img

More articles

spot_img
-->

Latest article