Tura, Nov 22: West Garo Hills a·jani District Administration baksana District Sports Office nangrimenba, District Level Padyatra (Unity March)-ko Tura-o ong·ataha.
Ia re·jomaanio sak ritcha mang batpile chatro chatrirang, NCC cadet-rang aro sorkari officialrang bak ra·angaha.
Indake ia re·jomaaniko Tura-ni William Point-oni Housing, PHE aro Soil & Water Conservation Department-ni Minister Marcuise N Marak-ni jakchi Sonibar pringni 7:00 bajio a·bachengataha aro joljol Hawakhana, Te·tengkol, Jerusalem, Hawakhana Petrol Pump, Member Hostel gita joljol Babupara gita re·ange DC Park-o matchotataha aro ia re·jomaanio West Garo Hills a·jani Deputy Commissioner Vibhor Agarwal, Mera Yuva Bharat, West Garo Hills-ni Deputy Director Linda B. Marak, MDC Bernard N Marak, West Garo Hills-ni Superintendent of Police Abraham T. Sangma, District Sports Officer Saljagring M Marak aro gipin official-rangba dongpae bak ra·angaha.
A·jani Deputy Commissioner jinmana aganengon, ia re·jomaaniko dakenganiara a·songni namroro silroroanina ku·mongani ong·a ine aganan baksa ‘Aatmanirbhar Bharat’ Mission-ni gamchatani gimin talate on·angaha. Unbaksana, janggi tangani bewalrangko tang·doatna aro komibegipa korosrangko jakkale joltango badingchiwalaniko dakenggiparangni bosturangko brechina mongsongbate an·tangtang tarigipa LED bulb-rangko brechina, bak ra·gipa sakantikon ua didiataha.
Marcuise N Marak-ba, ia re·jomaania itihaso gualna man·gijagipa ong·a ine aganan baksa, Sardar Patel-ni India a·songna dingtanganiko ra·bana niksamsoaniko ‘Viksit Bharat’-ko Prime Minister Narendra Modi-ni a·bachengatanichi parakenga ine aganaha.
India a·songna namroro silroroaniko ra·bana sakantion bil dongani gimin Sardar Patel-ni ka·dongsoa gita sakantian ka·saani, tom·tomani aro nangrimaniko gamchate ra·na nanga ineba ua sakantikon mol·molataha.
Na·simang iakoba nina man·gen:
Na·simang iakoba poraina man·gen: Skotong Minister Ri-Bhoi-ni gital CFI Centre-ko nokdonggae on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
