Shillong, Nov 22: Meghalaya Film Tourism Policy 2025-ni ning·ao skanggipa changna full-length feature film-ko tariani matchotenba mingsa dal·bea chu·sokaniko man·aha. Guni Manchikanti-ni Chitralayam Studios baksa tarigipa Telugu jawilwat Baa Baa Black Sheep-ko chu·gimikan Meghalaya-ni nitogipa biaprango, mongsongbate Sohra-o chipe ra·aha. Ia jawilwatko chipe ra·na sal-25ni gisepo matchotaha aro a·dokni dingtang dingtang department-rangni chadamberangko sak 2,000 ong·nasipile jawilwatko tariani kamrango bak ra·ataha aro ian a·doko iandakgipa kamrangko ka·anio da·ona kingking bang·bata manderangko bak ra·atani ong·a.
Ia jawilwatko tarianina a·dokni Skotong Minister Conrad K Sangma an·tangni kusi ong·aniko parakataha aro ia jawilwatko tarianiara a·doko jawilwatrangko bang·bate tarina miksongani, tarisamsoani aro Film Tourism Policy-ni bilakaniko mesoka ine aganangaha.
“Ia jawilwatko tariani chingna namen skia man·ani ong·aha, nang·ni dilani aro Meghalaya-ni manderangni dakchakanichi, chinga iandakgipa jawilwatko sal 30-ni ning·ao, chong·motan sal 25-ni gisepo matchotaha, aro iaba mingsa namen gisik ra·beani ong·a. Ia jawilwatko Khasi ku·sikchiba taridapgen aro Hyderabad-o ia jawilwato wate mesokaniona re·bachina chinga na·simangko okamna ska,” ine jawilwatni Producer Venu Donepudu parakataha. Uni indake agananiara a·song gimikni jawilwat tarigiparangni Meghalaya-o iandakgipa gadango, adita ming ku·sikrangchi jawilwatko tarina ka·donganiko mesoka.
Meghalaya Film Tourism Policy-ni ning·o skanggipa jawilwatko tarianiko matchotaniara a·dokna namen rasong chaani ong·a maina a·dokni Vision 2032-o tourism aro creative economy-an a·dokko 2028 bilsio $10 billion economy aro 2032 bilsio $16 billion economy ong·atna krenge kam ka·na miksonge dongimin mongsonggipa ming-chikkungoni minggni ong·a. Meghalaya a·dokni dingtangmanchagipa a·bri-a·kongrang, jatrangni dingchikgipa dakbewalrang aro songdonggipa chadamberangchi, a·dok an·tangko golporangko aganani, gitalgipa nika-nianirangko mesokani aro jawilwatrangko tarianichi tourism-ko namdapatani a·dam ong·na tarisamsoenga. Tangka-paisarangchi dakchakani, Invest Meghalaya Portal gita ra·chakanirang aro a·songni aro a·aplchini jawilwat tarigiparangko re·baatna dingtang dingtang dakchakanirangko on·anichi ia miksonganiko Meghalaya Film Tourism Policy 2025 bilakbatatenga.
Jawilwatrangko tarianichi tourism-ko namdapatna, a·doko changa-sapaniko nambatatna, a·dokni jatrangni aganritingbaenggipa golporangko bilakbatatna, manderangna janggi tangani cholrangko on·na aro dingtang dingtang a·jarango jawilwat tariani cholrangko namdapatanirangan ia Policy-ni adita miksonganirang ong·a. Subsidy-rangko skanggipa jawilwat ge-chikkungko tariani koros ong·ani 25% ba tangka kror 1-ona kingking man·a, aro a·doktangni jawilwat tarigiparangna, joltangni manderangko jawilwato kal·atgipa ba joltangni doka-dam·anirangko jakkalgiparangna, aro a·dokni official OTT platform Hello Meghalaya-o mesokna seokgipa jawilwatrangna on·dapanirang gnang.
Hello Meghalaya-an lak 4.40-baten download-rang aro kror 2-na baten manderangni nianirangko nikna man·aha, uandake ia cholara manderangna jawilwat aro uandakgiparangko nianisan ong·aija indiba Meghalaya-ni dingtangmanchagipa changgipa-sapgiparangko ripinge aro gipate rakkina digital library dake dakchakenga. Ia platform-ko a·bachengataonin, sak 125na baten Khasi, Garo aro Pnar feature aro short film-maker-rangko aro sak 300-na baten music video aro digital content creator-rangko rimnapaha. Iano da·ona kingking ming 500-na baten nianirang baksa a·doktangni ku·sikrangchi tarigipa ming 83 feature film-rang donga. Film Tourism Policy baksa uni bakrimaniara nikani-nianirangko, mesokanirangko aro manderangni nianirangko bang·batroroatna, aro uandake media aro uandakgipa cholrangko bilakbatatna jotton ka·ani ong·a.
Namen an·saobegipa jawilwat Baa Baa Black Sheep-ko a·song gimiko mesokna tarisamsoengon, ia jawilwat Meghalaya-o mongsonggipa jawilwatrangko tarianirangko dakna nichaksoaniko mesoka. Dingtang dingtang ku·sikrangchi aro uarangoni mingsa Khasi ku·sikchi mesokna ia jawilwatko tarianichi a·doko donggipa jatrangni dakbewalrang aro manderang golporangko agananina a·dokni on·kange kam ka·aniko mesoka.
Na·simang iakoba nina man·gen:
Na·simang iakoba poraina man·gen: Sardar Vallabhbhai Patel-ko mande ra·ani bak gita Tura-o Unity March-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
