Tura, Nov 22: Bilsianti ong·atrongbaenggipa gita November 22 tarik, Sonibar salo, Tura Cathedral Parish, ia bilsini St. Cecilia feast day cum Inter Parish Choir Competition-ko ong·atangaha. Ia susaanio bang·a parish-rangni choir dolrang bak ra·e susaangaha. Uandake, Kharkutta-ni Christ King Choir skanggipa biapo chegipa ong·aha, Sacred Heart Shrine Choir gnigipa biapko man·aha aro Sacred Heart Damas Catholic Choir gittamgipa biapko man·angaha. Chegiparangna chu·gimik ₹50,000 tangkarangko on·angaha.
Susaanirangko a·bachengna skang pringni 10 bajio Parish Priest Fr. Vincent M. Sangma rongtalgipa Missa boliko on·e a·bachengdilaha. Uni ja·man joljol ring·susaanirangko a·bachengataha.
Iandakgipa ring·susaanirangko namedake ong·atjringna nanga aro iarangko ong·atanirango ua pangnan dakchakanirangko on·angkugen ine Fr. Vincent jinmana parake aganangaha.
Ia ring·suaanirango bak ra·anirangkosan dakaija, man·genchimode choir ba solo ring·anirangko dake music-ni porikkarangkoba Trinity College, London-o on·na man·gen ine Tura Music Academy-ni Director Tengrang R. Sangma aganangaha.
Ring·susaanirang matchoton, ia bilsianti ong·atenggipa ring·susaanirangna kam ka·nagipa manderangko seokanirangkoba joljol dakangaha, jeon Selbius M. Sangma-ko gital President-na, Sanju M. Sangma-ko Vice President-na, Aranchi G. Momin-ko Secretary-na, Eleazer N. Marak-ko Joint Secretary-na, Arpiush R.Marak-ko Accountant-na aro sakgittam member-rang chong·motan, Tengrang R. Sangma, Louisbirth M. Sangma aro Norikchi M. Sangma-ko Organising Secretary-na seokangaha.
Iarang pilak matchotani ja·mano attamo Gospel Concert-ko ong·atangaha aro uano bang·a manderang bak ra·e ring·mesokanirangko dakangaha.
Na·simang iakoba nina man·gen:
Na·simang iakoba poraina man·gen: M’laya-ni Film Tourism Policy, 2025-ni ning·ao, a·dok uni skanggipa jawilwat tarianiko matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
