Shillong July 7: Meghalaya State Olympic Association aro Sports and Youth Affairs Department baksana Meghalaya Athletics Association apsan nangrimenba, bilsianti ong·atrongbaenggipa Sohra International Half Marathon-ko 2025 bilsini September 27 tariko Sohra, Cherrapunji-o ong·atanggen. Ia ong·atna sienggipa marathon-ara World Athletics aro Athletics Federation Of India-ni officially ra·chakgimin ong·a.

Iani gimin Press conference-ko ong·atanio, Sports-ni Director, D. D. Shira, MSOA-ni Working President, John F. Kharsiing aro MSOA-ni General Secretary, Finely Pariat, Sohra Marathon-o bak ra·china gita  Meghalaya a·doko songdonggipa pilak manderangkon didiataha. Iako ong·atani miksonganiara uan an·seng baljokani, tourism aro kal·susaanina gisik nanganiko ra·doanin ong·a.

Dorbar Shnongs ba songni dilgiparang, police dolrang aro Sohra-o donggipa sorkarini office-rangni dakchakanichi ia marathon-ko ong·atna tarisamsoani kamrang pilakon name ka·na man·enga ine Shira u·iatangaha. Ia marathon-o katna gisiko nangenggipa  sakantikon September jani 10 tarikna skang bimungrangko segatchina u·iatan baksana ia marathon-ko ong·atanichi Meghalaya a·dokko songrena namnikgiparangna nambegipa biap ine mingsingatna dakchaka ineba Kharsiing u·iatangskaaha. Re·anggipa bilsio sak 7,000 mang katna gisiko nanggiparang bak ra·angtokahara aro ia bilsio sak 10,000 katgiparangko niksona ka·donganiko Pariat janapatskaaha. Una agreba, ia marathon-ko ong·atanio che·gipana boksis-ni tangkara gong lakh 15.50-ko ong·a aro ian jolo marathon ong·atgiparangoni bang·bata tangkarangko on·gipa ong·a ineba ua u·iatangkuaha. Ia marathon-ko ong·atna chamatgimin chu·gimik koros-ara kror 2 tangkarang ong·a.

Sohra-o songdongenggipa manderang indin kusina km 5-ko katsusaanio bak ra·pana gita man·gen. Ia marathon-ko ong·atanio ming 3 mongsonggipa category-rang gnang, uarangara :  bilsi 18-oni una batgiparangna km 21-ko, bilsi 18-oni bilsi 59-ni gisepo ong·giparangna km 10-ko aro kusina katenggipa manderangna km 5-ko on·gen. Bilsi 50-na batgipa jemangan km 21-ko matchote katgenchim uamangna dingtangmancha boksis-rangkoba on·anggen.

Ia Sohra Marathon-ko, Mawkdok dolong-oni km 6 mang chel·ao donggipa Laitsohpliah-oni a·bachengatenba, mingsingbegipa Nohsngithiang Falls-ni niwatram sambao donggipa Mawsmai-ona ong·gen. Marathon-ko ong·atani salo, katsusagiparangna naljokaniko on·a gita Shillong-oni Sohra-ona re·gipa ramarangko pring 6 bajioni 10 bajiona rama champengataniko dakatgen. Altuae biapona sokatna man·a gita katsusagipa sakantinan aro Shillong-ni staff-rangna pring 3 bajioni re·chakatgipa indin bus-rangko tik ka·e on·anggen.

Km 21-ko katsusagiparangna registration fee ba bimung segatani dam-ara sakprako gong 1,000, km 10-na gong 200 aro kusina katgipa km 5-na gong 50 ong·gen. Bak ra·na gisiko nanggiparang bimung segataniko online ba Shillong-ni J N Stadium-o donggipa MSOA Office-o re·ange ka·na ba Lad Thanad Petrol Pump sambao donggipa Sohra Shop-oba ka·ena man·gen.

Bak ra·gipa sakantinan T-Shirt baksana ka·bako gangipa number-rangko on·anggen, jekon September jani 25 aro 26 tarikrango Shillong-ni JN Stadium-oniko ra·ena nanggen. Sohra-o songdongenggipa manderang jemangan 5K Run for Fun-o bak ra·paengachim, uamangde September jani 26 tarikon T-Shirt aro ka·bako gangipa number-rangko songonikon ra·na man·aigen.

Na·simang ia video-koba nina man·gen:

Na·simang iakoba poraina man·gen: Bostu paldinggiparangko July 22 tarikni gisepo gipin biapona apjitchina sorkari rai on·a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub