GuwahatI, May 6: West Bengal-ni election-o All India Trinamool Congress ama cha∙genchimoba, Sherman Ali Ahmed Assam-ni Barpeta-o donggipa Mandia Assembly constituency-oni chakate election-o chee AITC-oni niksenggipa ong∙skaaha. Ua Congress-ni a∙gipi dilgipa Abdul Kaleque-ko ge 27,561 vote-rangchi amaha. Ahmed ge 1,13,480 aro Khaleque ge 85,919 vote-rangko man∙aha.
Ahmed-ni election-o cheaniara Trinamool Congress-na namgipa chin ong∙a maina ian uamangni party-ni Bengal-ni a∙palo dal∙roroanganina jotton ka∙engmitingo Assam-o pangchakena ka∙donganiko on∙aha.
Mandia-ara Assam-ni Saliramo donggipa Muslimrang bang∙bate donggipa constituency ong∙a aro ian Ahmed-na election-o susana ka∙dongna man∙batgipa biap ong∙a.
Sherman Ali Ahmed, 2011 bilsio skanggipa changna All India United Democratic Front-ni tickey-chi Baghbar constituency-oni election-o susae chegipa ong∙aha. Ja∙mano ua AIUDF-ni dilgipa Badruddin Ajmal baksa ekgrike Congress-o napenba, apsan constituency-o 2016 aro 2021 bilsirangni Assembly election-rango susae cheaha.
Ahmed uni katta agananirangchi aro dangdike on∙anirangchi bang∙a manderangni jegalaniko man∙aha. 2020 bilsio ua Srimanta Sankaradeva Kalakshetra-o jinmana parakatengon, “Miya Musem”-ko tarina ine agananichi bang∙a jingjengatanirangko ra∙baaha aro bang∙a dolrangan uko raken jegalangaha.
2021 bilsini Assembly election-ni ja∙mano, party-ni niamrangko pil∙nipil pe∙anina Congress uko ra∙galaha. 2022 bilsio, til∙ekdraani bidingo uni agangimin kattarangna songsalna dangdike on∙enggipa Sumitra Hazarika uni kosako badi ka∙angaha.
Ia bilsini February jao, April 9-ni Assembly election-ko parakatna skang, Citizenship Amendment Act-ko jegalanichi bikotgimin party Raijor Dal-o ua napaha. A∙bachengo una ticket-ko on∙gen ine ku∙chakenba, Congress baksa bakrimanirangko dakna agangrikani ja∙mano uamang Ahmed-na ticket-ko on∙jaha.
Uandake ua Trinamool Congress-o nape election-o Mandia-oni susaenba chegipa ong∙aha. Ahmed-ni election-o cheanichi Trinamool Congress-na bang∙a seat-rangko ra∙bajagenchimoba, Assam-ni election-o party-ko a∙bachengatanina aro ja∙mano Salgro Salaram jolo dal∙roroanina pangchakaniko on∙aha.
Na·simang iakoba nina man·gen:
Na·simang iakoba poraina man·gen: Himanta 2.0 – Bang∙a ka∙dongsoanirangchi Assam-ni manderang an∙tangtangni dilgiparangko seokaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
