Baghmara, July 14: South Garo Hills-ni District Court, Asim Chiring-o dongenggipa aro Late Sitesh R. Marak-ni demechik Sunanda S. Marak-ni, Section 10 of the Guardians and Wards Act, 1890-ni ning·o bilsi sokkugijagipa bi·sa sakgni chong·motan Amaya S. Marak aro Chugarik S. Marak-na niamni gita simsak nirokani bilko on·china mol·molani kosako saoba a·kangani ba jegalani dongama dongja uko ra·chakna gita public notice ba jinmana u·iataniko on·angaha.
Baghmara District Judge-ni Court-o on·gimin u·iatani gitade, Sunanda S. Marak, bilsi sokkugijagipa bi·sa sakgnina niamni gita simsak nirokani bilko on·china court-o mol·molangaha. 2026 bilsini July 28 tariko, Baghmara District Judge-ni Court-o ia case-ni gimin knaataniko dakangna tik ka·angaha.
Court, iani bidingo a·kangani ba jegalani donggiparang dongode, knaatani salo an·tangtang ba ukil baksa re·bachina ge·etataha. Darangba jegalgipa dongja ong·ode, dolgipinoni mande dongjaoba, court iani mokordoma-ko knachakenba, donggipa sakkirang aro bebeo pangchake raiko on·anggen. 2026 bilsini July 7 tariko, South Garo Hills-ni District Judge-ni soi aro official mohor-ko suani baksa ia ge·etaniko on·ataha.
Na·simang iakoba nina man·gen:
Na·simang iakoba poraina man·gen: WJH-o senggnang porikka ka·e nianiko ra·dona aro kratchagokaniko komiatna HIV/AIDs awareness roadshow-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
