Shillong, May 27: Shillong Lok Sabha by-election-na skang, Congress batanggimin ja bri-onin grassroot level-o pangchake manderang baksa agangrikaniko dakna gita pangchakaniko ra·aha ine Congress-ni Padot Vincent Pala Mongolbar salo parakataha. Congress-de ECI-ni election-ni salko parakatkujana kingking nokantiona re·ange manderang baksa agangrikanirangkosa dakna tarisoenga.
Congress dolni kam ka·aniara gipin dolrangna bate dingtanga ineba Pala parakataha. Gipin dolrang manderangko tom·bimongate public rally-rangko dakengoba, Congress-de ECI, election-ni salko parakatkujana kingking nokantiona re·ange manderang baksa agangrikanirangkosa dakna mangsongaha. Pala-ni aganani gitade, district-rangon nokantiona re·ange kam ka·aniko a·bachengmanaha aro election-na tarie dongengaha. Resources-rangni gimin agananio, NPP aro VPP gita dolrang state aro district council-o bil dong·ani a·sel resources-rang chu·onga gita dongoba, Congress dol an·tangni ama gita gita kam ka·enga.
Manderangni chanchianirang dingtangbaengaha ineba Pala u·iataha. District council aro state sorkari-o manderangni kusi-ong·gijani (anti-incumbency) bang·ani a·sel, manderang NPP, VPP, BJP ba Congress-na vote on·na chanchiani dingtangengaha. Candidate-rangko officialy parakkujaoba, dol field-o kamrangko a·bachengtokmanaha aro manderang Congress-o ka·dongpiltaichongmotgen ine ua parakataha.
Pala-ni aganani gitade, ua biapantion manderang aro dingtangmancha chadamberang dolona re·bapiltokenga. “Skango Congress-oni manderang gipin dolona re·angengachim, indiba ia changde chadamberang Congress-sa nambatgipa dol ong·a ine ma·sina man·aha,” ine ua aganaha. Skango dilgiparang dolko watanganiara manderangko togiani gita ong·achim, indiba da·o manderang uko gualenba dolo ka·dongchakpiltaiaha.
Election-o mai ong·gen uko aganna da·o dipet ru·utkuenga ine Pala mikrakataha. Uni aganani gitade, chu·gimik campaign-ko a·bachengkuja dipet skangchake dal·e agansona manja, maina manderang election-na skang ja·sa ba salgnisana skangsa tik ka·rongenga.
Na·simang iakoba nina man·gen:
Na·simang iakoba poraina man·gen: UCC Bill-ni gimin, ding•chaogrikpile chanchi grikangani ja•man, Budget Session-ko matchotata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
