Shillong, July 1: Education Minister Rakkam A Sangma Sombar salo Shillong Government College of Engineering (SGCE) aro Shillong Polytechnic-ona officialrang, principal aro staff baksa re·ange niaha, aro SGCE ia bilsio uni skanggipa academic session-ko a·bachenggen ine parakataha.
Admission ka·anirangko a·bachengengaha aro klasrangko August ja-oni ra·na miksongenga ine minister u·iataha. “Minggni courserang – Civil Engineering aro Electrical Engineering mingprakna sak 30-na seatrangko tikatna All India Council for Technical Education-na (AICTE) watataha aro uko India-ni sorkari ra·chakaha,” ine ua aganaha.
College-ko rika matchotani bidingo sing·on, rikanirangko matchotaha aro bon·kame AICTE-oni rai-ko sengenga aro college-ko a·bachengnasiengaha ineba Sangma aganaha. Collegeo mitam skigiparangko rakkiaha, Principal-in-charge-ara Shillong Polytechnic-oni ong·a aro skia man·gipa manderangko kamo rimnapenga aro nangani kri manderangko rakkigen ine ua agandapaha.
Adita salrangna skang, undergraduate Civil aro Electrical engineering courserangna SGCE, AICTE-ni ra·chakaniko man·soaha ine koborrangko man·aha.
Na·simang ia video-koba nina man·gen:
Na·simang iakoba poraina man·gen: Assamni Skotong Ministerko botolchi gotatani bidingo BJP Yuva Morcha jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
